[align=center]بسم الله الرحمن الرحيم
قصيدة بمناسبة زيارة سيدي صاحب السمو الملكي الأمير سلطان بن عبد العزيز آل سعود ولي العهد نائب رئيس مجلس الوزراء وزير الدفاع والطيران والمفتش العام لمجموعة لواء الملك فهد السادس بحفر الباطن وذلك في يوم الاحد الموافق 11/10/1426هـ حضيت بعدها بمكرمه ملكيه من لدن سموه الكريم صاحب الايادي البيضاء سلطان الخير والعطاء الا وهي منحي الرتبه التي تلي رتبتي الحاليه 00[/align]
[align=center]
[poet font="Arial,4,black,bold,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
نبدأ بحمد الله ما يحمد ولا يعبد سواه=الحمد لله والثناء لله ياحضـــارهــا
نشهد شهادة لا إله إلا الله ما غيره إلـه=بيده تصاريف الفلك وتسير معه أقــدارها
أرسل رسوله بالرسالة و اهتدينا من هـداه=خاتم رسالة والله اللي فالرسول اختارها
المصطفى اللي مصطفيه الله فالخلق اصطفاه =أداء الرسالة والأمانة في جميع أدوارها
صلوا على من خصه الله بالشفاعة واجتباه =خلا أمته على المحجة ليلها نهارهـا
العيد يجمعنا في أبو خالد ونحكي ما نـراه=حيا الله اللي شرّف الحضار في محضارها
يا مرحبا باللي يشرّفنا ويسعدنا لقاه=يا مرحبا الترحيبة اللي يا كبر مقدارها
مقدارها حب وغلا للي نحبه من غلاه=والحفر تفرح في زيارة سيدي لا زارها
رغم المشاغل وارتباطاته وما يسند علاه=وقته ثمين وشرف اللي تمموا مشوارها
تمم لواء فهد رحمة الله فالتدريب أداه=فالميدنة جاهز تكامل واكتمل فـ أدوارها
سمي لوانا باسم من نبكيه والعالم بكاه=يا لله عساه فجنة الفردوس مع أبرارها
راع التقاء راع النقاء يا ربنا تحسن جزاه=الطيبين تموت لكن ما تموت أذكارها
العز في مسمى لوانا والفخر فيما حواه=فالنهج والتدريب إله سيرة بنهجه سارها
فيه امتلكنا أحدث سلاح فيه قِيّاد ورماه=فوق العتاد به الرجال المتقنة لأدوارها
لواء المليك الراحل اللي طيب المولى ثراه=روعي بتنظيمه دروس إكثار ما جاء إكثارها
تنظيم فالإعداد والتدريب على ما تباه=والفضل لله ثم لملوكٍ حكيمٍ شارها
الفضل بعد الله لمن شعبه يجدد له ولاه=مليكنا اللي دفة الملك بدراية دارها
عبد الله بن عبد العزيز بن سعود الله حباه=في ساحة الأحداث إله نظرة تفوق أنظارها
اللي يقول إن العرب دهاتها أربع دهاه=يجهل مواقيف أبو متعب فاحتدام أخطارها
الله يعطي حكمته المن يشاء والله عطاه=عطاه رب العرش حكمة وأمته ما بارها
في درب أبوه ودرب أخوه الأمن عنوان الحياه=خادم بيوت الله ذراها سترها وأسوارها
معنا وصية من أبو متعب وحيّك من وصاه=ثنتين ما نقبل عليها السوم مع تجارها
الدين وحدود الوطن والشيء حله في طراه=ما والله نساوم عليها لو توّلع نارها
والعهد عهد الله لأبو خالد وعهد الله رعاه=للحر عهد وللحرار عهود ويا أحرارها
ولي عهد المملكة والخير عنده مقتضاه=له سيرةٍ يتناقلون المسلمين أخبارها
هو فزعة المحتاج لاجاه وزبنه الله كفاه=يبشر بخير اللي يبى يزبن وجيه أخيارها
يضرب على الظالم ويأخذ حق مظلومٍ نصاه=سيف العدالة ضربته فوق العداء وأشرارها
سلطان أبو خالد حفظه الله وأطال الله بقاه=وزيرنا محبوبنا مقدامنا مغوارها
سلطان سلطان العطاء والخير يندى من يداه=تندى يدينه بالعطاء في سرها وجهارها
ينفق بدرب الخير ضاري بالعطايا من صباه=تعطي يمينه ما درت عن ما تمد يسارها
قواته الأربع بتوجيهه ودربه ومغزاه=باذل لها الغالي ولا تغلى عليه اسعارها
امواكبن عصر التطور ما جهله ولا خفاه=يعيش أبو خالد لقواتٍ أشاد إجدارها
للبر درع وراجمات ومدفعية مع مشاه=وقوة دفاعٍ تحمي الأجواء سريع إنذارها
والبحر له بحار يضرب غبّته ما هاب ماه=ويحمي سماها عن عداها طائرة طيارها
جند وجنود مجندة لله فأرضه وفــ سماه=جند وجنود مجندة لله دون قطارها
تسعى لـتعلى كلمة التوحيد في كل اتجاه=الكلمة اللي عمت الكون الفسيح أنوارها
غير النصر ولا الشهادة مالها مطمع وجاه=أما حياة العز ولا موتتٍ في كارها
ذروة سنام المجد ما تسقط مثل فرض الصلاه=تقوم زال الدين قائم ما نكسنا إشعارها
بيديننا سيف السلام وسيفنا الثاني وراه=معنا سيوف السلم وبه سيوف معنا غارها
حنا دعاة السلم ما حنا على الباطل دعاه=حنا أمة نعرف شريعتنا وحنا أنصارها
النفس ترهن بالعمل ولكل عبد ما جناه=ما نحمل أوزار النفوس الكل نفس أوزارها
ما نذبح العود الهرم ولا الفتى ولا الفتاه=وحرم علينا ديننا قطع الخضر فـ أشجارها
ووجب علينا الدين للراعي يطيعون الرعاه=لا بارك الله فـ أمةٍ ما تمتـثـل لأمارها
والله ما عنكم بعد رب العرش عز ولا غناه=ولا نملك إلا دعوةٍ بعد السنن وأوتارها
ندعي لكم بالعز يا عز البلاد ويا ذراه=يا الله تعز أملوكنا وإنك تطيل أعمارها
[/poet]
اعز الله ولاة هذا البلد وحفظ الله له الامن والامان تحت قيادة مولاي خادم الحرمين الشريفين وولي عهده الامين انـه سميعاً مجيب الدعاء [/align]