[poem=font="Courier New,4,green,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black"]
يمرالغيم واسمع للرعد وسط السحاب ارزام=وإلى عزل به الربان والبرق بمقاديمه
تغطرف غيمه ومزنه مثل مغترابن فصام=وتقل لون القزح بأول قنوفه لون تخطيمه
وجا مع نفحة النسمه رذاذ ٍ يبرد الا نسام=تذكرت المكان وهلت الدمعه تقل ديمه
وأنا شاعر بريشة حبري اللي لاإندفق رسام=ولا غير التصور والصور بيدي تقديمه
سوى أني لا ذكرت اطلا لنا أغني يامال الشام=أمولها على ترنيمة الحنين تقسيمه
سقاالله كثب دار(ن) جدبها يسوى ربيع العام=ولوحثت أغبار الارض ولوتدهر إناسيمه
عليله لا نبثـق من غربي الشمال هدو إنسام=تقل تجمع عطر باريس بألا نفاس تلميمه
تقل حتى ولو ماربعت تعطيك وقت الهام=تضاريس المكان يشوق الولهان ويهيمه
إلى مني خرمت امرها وقت القنص بهيام=وإلى دوجت بالوان الطبيعه اونشت غيمه
ومديت النظر لجل التأمل بالمدى قدام=ذكرت الي خلق ثم صارت السجه لها قيمه
ومعك رجلــ(ن)يحب البر وافي شاطر(ن) مهمام=على جمس ٍإلى شاف القطاحده على تيمه
طراز(ن) يعجبك وقت الفجر سلفه مع المجهام=إلى منه نـفـث صوته تقل تقرأ خراطيمه
ودبات القزوزإلى صدح صافي بدون الحام=تقل يركزعجاجه بالسماءمن قبل تبريمه
وإلى غناحنينه بالصدى يشوق بالقسام=يهيض راعي الطلعات لاغنا بترنيمه
وتمثال الجميح الي تقل لمعت بريق زمام=من التصدير محفوظـ(ن)مهوتقليد ترهيمه
وإلى منك ربطت الي يسمى امان والاحزام=وإلى منه تنهض لانطلاقه قبل تقويمه
يشابه بأنطلاقه لا تورى ثم صغر غشام=ماتسمع كود نفح النود بالصدام تطريمه
وخوي(ن) خوته فخر ومهوب أيات حي غلام=سواة الي جناحه لا كفخ ترجي مغانيمه
مراكن شوزله بالباب يتطلع وهو مقدام=وذرب(ن) عارف برالصحاري دون تعليمه
ودنا ليل الدجى بعد الغروب وكل شي(ن) نام=وسرى ليل التعلل سالفه تطرب هل الشيمه
ونزلنا خايعـ(ن)توه ندي(ن) بعد جوه غام=وبهر من تفوح الهيل باحلا ذوق تلقيمه
وحطينا على بعض الجمر ماجل من اجرام=ومر الوقت من زين التعلل تقل تسليمه
سليل الي على شده رجالـ(ن)من سليل احشام=يدارون الخوي طبعـ(ن)بهل نجدوهل الشيمه
يسمعك أخرابداعـ(ن)إلى قاله تقل بأنغام=مهي سرقت سروقـ(ن)للشعر تهدر بلا عيمه
وإلى منك أجريت البحث مع قوقل لقيت الغام=وسرقاته تكرر بالزمن لنه بلا شيمه
ومع وسط المواقع يجري الباحوث للا لمام=وبين سرقة السارق اواضحت(ن) براشيمه
ولا ابغى واحد(ن)ضيق صدرمعيه تقول ادرام=ويزعل دون شي ودايمـ(ن)وجهه بتلطيمه
وإلى منك سألته وش بلاساكت يقول ازكام=ومتى نرجع أنا عندي شغل برك بلا قيمه
وهو ماعنده الا يزعج الحاره وسوى أزحام=يحسب البر بلتوثــ(ن)بعد جوله وترقيمه
وأنا ذي غايتي وقت الربيع أطلع مع الا نسام=إلى منه كسى لون الخضار القاع من غيمه[/poem]