النتائج 1 إلى 3 من 3

الموضوع: مساجلة الشاعر عبدالله بن عبار و الشاعر ناجي الصقار

  1. #1
    ~ [ شـــاعر ] ~ الصورة الرمزية ناجي الصقار
    تاريخ التسجيل
    May 2011
    الدولة
    قطر
    المشاركات
    54

    3 مساجلة الشاعر عبدالله بن عبار و الشاعر ناجي الصقار


    أسند الشاعر ناجي الصقار هذه القصيده للشاعر الكبير عبدالله بن عبار العنزي
    قال الشاعر ناجي الصقار


    عـبـدالـلـه بن عـبار يـــا طيب الـفـال *** ما نـامت العين وخطابــك زجـرها
    قـمـت اتقـلـب عن يمين وعـن شمال *** عـلّ وعسى عـيني تجـافي سهرها

    لكـن مقـامك عـالي وفـــوق الجـبـال *** حـرّم عـلـى عـيـني تـنـام وأمـرهـا
    تسهـر ليـالي مـا تقـول السّهـر طـال *** وجسمي عـليـل اليوم لكن عـذرها

    واجـب عليها لـو تدهـور بـي الحـال *** تـقـرا جـوابـك مـا يفـارق نـظـرهـا
    من يوم شاعت بالخفا بعض الأقوال *** مـن زوّر الأنـسـاب والـي نـشرهـا

    مـن زمـرةٍ سـارت بـدربٍ بـه وحـال *** وحـالي تـبـّدل يـوم سـرت بـأثرها
    بــانت مـسـاويـهـا ولا بــــد يـنـقـال *** مـا لـوم ابـن عـبـار يــوم إحتقـرها

    هــذا كــذوب وذا مـنـافـق ودجــــال *** وهذاك ساكت عن جريمه حضرها
    فيهم أوايل وأشهــد ان فيهم رجـال *** ومنهـم كسب أمجـاد لـكـن خسرهـا

    ومنهم تـمـادى بـالـخـطـايا ولا زال *** ومنهـم وقـع بـالحـفـره الي حفـرها
    ماهُم بــلا ذمــه ولا فـيـهـم أنـــذال *** كـلٍ حـصـد مـن زرعـه الي بـذرهـا

    ما جابهم أبليس في شـر الأعـمـال *** لـكـن غــواهُـم للـنـمـيـمه وذكـرهـا
    معذور أبـن عـبار لا شـاف محتـال *** خـان الأمانـه والـحـقـيـقـه نـكـرهـا

    يـهـدم قـصـورٍ شيّـدوها من رمـال **ويفضح نوايا السوء والي ضـمـرهـا
    من نـاجي الصقـار لا جـاك مرسال**سـاعـة نـدم يزرع ويقطـف ثـمـرهـا

    جيتك يابو مشعـل وبرقبتي عـقـال *** منك السموحه والقصص في عبرها
    جيت أعتذر وابريك من سو الأفعال *** بعـض الفتن ما يـنـتـدارك خطرها


    الشاعر ناجي الصقار

    .


    لمشاهدة وسماع القصيدة فيديو

    https://www.youtube.com/watch?v=ZAfcG9-t8K8

    .

    وقال الشاعر الكبير عبدالله بن دهيمش بن عبار جواب لقصيدة الشاعر ناجي الصقار :

    حي الجواب وحي من صاغ الأمثال *** حيـه عـدد رمـل الديار وشجـرهـا
    مـن نـاجي الصقّـار كسّاب الأنـفـال *** يـا عـل بـقـعـا مـا يصيبه ضررهـا

    لـك الـشكـر يا زاكـي الجـد والخـال *** حيثك عرفت الـلي القبيله غـدرهـا
    لا تطيع الـلي هـرجه درابيك طبّـال *** شرواك تلفيـق العـلـوم ايخصرهـا

    كانـه شمتني صاحب القيل والقـال *** وكـل العـلـوم الهابطـه مـا ذخرهـا
    يشهد لي اللي من الـرجاجيل عقّـال *** الـلي مثـل نـدف القطاني شعـرها

    قـلتـه ولا زال الحمايـل لـهـا أنجـال *** لكـن بعـضها أمجـاد جـدّه قـبـرهـا
    الناس فيها عـفون وخـباث وأرزال *** وفيها حمايـل نفتخـر فـي فـخـرهـا

    بالنـاس مـن يـدرك وبالنـاس جهّـال *** وأهـل الحسد ما تاجد اللي شكرهـا
    النـاس يا ناجي بهـا أنـواع واشكال *** مـا عـاد نميّز شيخهـا من نـفـرهـا

    وبالناس يا نـاجي سنـانيـر واثـعـال *** قـشر المبادي من عـرفها حـقـرهـا
    والـلي بتحريف النسّب وهّم الضال *** وجحـد تواريخ الـرجـال اتخبـرهـا

    أنساب عـنزه وضّحت عبر الأجيال *** والفعـل مـابـيـن القبـايـل شهـرهـا
    عـيـال وايـل مـابـهـم شـك واجـدال *** ماهـو بخيـت الـلي يجـرّب قشرهـا

    يـوم القبايـل بـيـنهـا حـرب واقـتـال *** تـشرا صداقتها ويخشى خـطـرهـا
    رجالهـم هـوشه اليـا هـاش بهـبـال *** كن السكر صاب العقـول وخشرها

    ياما بضنـا عـنـاز فـرسان وأبـطـال *** وأعـلام لـو عـديـتهـا مـا احصرها
    أتعبت لهم الحال وأرخصت الأموال *** وانسابهم بالطرس نرسم شجرها


    الشاعر عبدالله بن عبار
    .


    .

    ورد الشاعر ناجي الصقار على قصيدة الشاعر الكبير عبدالله بن عبار


    قال الشاعر ناجي الصقار

    أبــدي بــذكر الله عـلام الأحــوال **** رب السما والأرض والي فطرها
    ناديت أبو مشعل جوابه ولا طال *** بـالطيب والمعروف حـالي أسرها

    وأرسلت اله من داخل القلب مرسال **** يارد بواديها وياصل حضرها
    قلت السموحه خط مخطوطه وقال **** يـا نـاجي الـصقار طيبك جبرها

    وفي ذمتي غايب ويطري على البال **** يكفيه شـر اللآيذات وضررها
    الجـود والأمجاد وسـلوم الأبــطــال *** عبدالله بــن عـبار بـيـده سـبـرها

    ونار الفتن تخشاه في كل الأحوال **** عن دار أبو مشعل وتأخذ حذرها
    ما يسمع القالات لو شاف الأهوال **** من جــاتــه الـقـالـه بسيفه بترها

    حاز الكرامه والكرم ما بها جدال ***** وسند على روس الجبال وعبرها
    ماشي على دروب الصناديد رحال *** تصعب على غيره ويمشي وعرها

    لا ما بكت عيني على ذيك الأطلال *** وما لـوم عيني لــو تحـدّر مطرها
    ون كنت ماشي مع منافـق وطبال *** أو عُـصبةٍ تـاهـت ومعمي بـصرها

    الـمـعــذره للصاحب التايـه الضّال ** مثلك مِن ذنـــوب الـقـرايـب عـذرها
    والي غـوى جاهل والأعـداء جُهّــال ** أيــران قــــادتـهـم الى مـؤتــمـرها

    في سوريا اعتادوا على ذبح الأطفال**وحتى اليمن بالسيف هدوا حجرها
    فيهم خذوه الروس حذوه أو نعـال *** وفيهم ورى أمريـكا ويـاكـل بعـرها

    وحالي مثل حال العرب دمها سال ** لـولا الملك سـلمان مـاحـدٍ نـصرها
    أهـــدي تحياتي لـه إكبار وإجـلال ** ومني ل بن عـبــار بــاقــة زهــرها

    الشاعر ناجي الصقار
    .

    .
    لمشاهدة وسماع القصيدة فيديو

    https://www.youtube.com/watch?v=wOYKTbp6W3Y

    .


    .

  2. #2
    ~ [ عضو مجلس الإدارة ] ~

    تاريخ التسجيل
    Dec 2009
    المشاركات
    3,051
    ناجي الصقار

    صح لسانك ملايين

    وصح لسان الشاعر عبد الله بن عبار


    لاهنتوا
    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
    تدري وش اللي تعتبرها مصيبه=إليا فقدت إنسان غالي وهو حي
    وتدري وش اللي تعتبرها غريبه=إنك تضحّي والمقابل ولا شي
    [/poem]

  3. #3
    ~ [ شـــاعر ] ~ الصورة الرمزية ناجي الصقار
    تاريخ التسجيل
    May 2011
    الدولة
    قطر
    المشاركات
    54
    اقتباس المشاركة الأصلية كتبت بواسطة سامي العطاوي مشاهدة المشاركة
    ناجي الصقار

    صح لسانك ملايين

    وصح لسان الشاعر عبد الله بن عبار


    لاهنتوا
    اخي سامي العطاوي
    صح بدنك ولا هنت ياللنشمي



    .

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. رد الشاعر زياد النفاح البقمي الى الشاعر عبدالله رجاء
    بواسطة عبدالله رجاء العنزي في المنتدى ديوان الشاعر / عبدالله رجاء العنزي
    مشاركات: 0
    آخر مشاركة: 08-10-2016, 02:51 AM
  2. الشاعر ناجي الصقار محـتـاج من وقـتـك حـوالي دقـيـقـة
    بواسطة ناجي الصقار في المنتدى الشعر النبطي
    مشاركات: 5
    آخر مشاركة: 19-03-2015, 08:22 PM
  3. ملفات الشاعر ناجي الصقار
    بواسطة ناجي الصقار في المنتدى منتدى الخواطر والشعر الفصيح
    مشاركات: 9
    آخر مشاركة: 29-11-2011, 06:38 AM
  4. رحبو معي بالشاعر ناجي الصقار
    بواسطة عبدالرحمن الحميدي في المنتدى منتدى الاستقبال واخبار الأعضاء
    مشاركات: 20
    آخر مشاركة: 14-07-2011, 05:47 PM
  5. مشاركات: 0
    آخر مشاركة: 24-10-2009, 01:29 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •