[align=center]السلام عليكم ورحمة الله وبركاته
اليكم هذه المتواضعه واتمنى ان تنال اعجابكم[/align]
[poem=font="Simplified Arabic,5,blue,normal,normal" bkcolor="transparent" bkimage="backgrounds/27.gif" border="double,4,gray" type=1 line=0 align=center use=ex num="0,black"]
لاضاق صدري وشفته واصل(ن) حده = مريـت قـدام بيت(ن)يسكنـه خلـي
واليـا تعديـت مبنـاه التفـت قـده = اشوف زول الغضي مـدري يخيلّـي
عهدي بها قدم تلبـس غطـوة الخـده = يوم إني امـر بيتـه رايـح اصلـي
ابو جديل(ن) ينوش الـورك لا كـده = من خف ممشاه احسبنه علـى زلـي
والعين عين اشقر(ن) يرهز يبا الهـده = والعنق عنق الذي يجفل مـن الظلـي
والخصر يطبق عليه العود ابـو نـده = لو كـان ماقستهـا بالسنـت والملـي
مابينـي وبينهـا هجمـات مـرتـده = ولاجاتنـي كلهـا ولاجيتهـا كـلـي
ماشفت مثله مـن الدمـام الـى جـده =ولاني بقابـل بغيـره لوتزيـن لـي
قلبي يرفرف له ومحتفـظ(ن) بـوده = ويرحّب اليا سمـع طريـاه ويهلـي
لاكن وان شاف منه البعـد والصـده =طوّى خيامه وقـال اسافـر احسلـي
من صد عنا جـزاه بصدتـه صـده = نضمر له الخير مانضمرلـه الغلـي
ليته درا عـن هوايـه نعنبـو جـدّه =وارسلّه اليـا قفـل بلفـي ويرسلـي
[/poem]
رد مع اقتباس
