الخيره خفيه يااعبيد العرابي

[محمد السليس]

الاستااذ والشااعر العلم عيبدالله العرابي

ودى اتنومس بها المحراف معك


[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,white" type=2 line=0 align=center use=sp num="0,black"]
ياهلا يامرحبا بعبيد وعبيد العرابي = شاعر معروف.... بين الناس والخيره خفيه
ياعبيد ان طحت من ضرب المهند والجنابي = التعب مخلوف .. بين الناس والخيره خفيه [/poem]

[بدر المعصيري]

ياهلا يامرحبا بعبيد وعبيد العرابي
شاعر معروف.... بين الناس والخيره خفيه
ياعبيد ان طحت من ضرب المهند والجنابي
التعب مخلوف .. بين الناس والخيره خفيه


الله الله


يسلام يااااامحمد السليس وووووين ها الغيبه محراف طيب من شاعر جزل والمعني شاعر جزل وافي واصلو متابع لكم


وتراني في صفك يالسليس من غير قاصر في الشاعر القدير /عبيدالله العرابي

[عبيدالله العرابي]

[align=center]مرحبا شاعرنا / محمد السليس .
الله يسلمك ويبارك في عمرك .
النوماس لي يابطل.
وإستلم لاهنت[/align].


[poem=font="Simplified Arabic,5,black,bold,normal" bkcolor="transparent" bkimage="" border="none,4,darkblue" type=2 line=0 align=center use=ex num="0,black"]
والبقا ياشاعرٍ يصرف ذهب ماهي ربابي=للصفه موصوف..بين الناس والخيره خفيه

شيل أداة الشرط وإجزم كان ذيب من الذيابي=مادخلنا الخوف..بين الناس والخيره خفيه [/poem]

[عبيدالله العرابي]

الشاعر الرائع// بدر المعصيري

مرحبا يابدر . والله ماعاد فيها علوم من اول تحب تجي في صفي لكن الظاهر السليس صاحب لصيق. ويستاهل .
وأنا أنتظر شرواك وصفي عامر بإذن الله .

شكراً لك ولحماسك يابطل .

[محمد السليس]

الله يشرف مقداارك ويعزك

وداايم وانت راعى الاوله يالامير

ومااعليك زود

استلم لاهنت

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
جرتك للاسم بالكسره خطا ماهو صوابي = افتح الموصوف.. بين الناس والخيره خفيــــه
كان ماشفت السؤال بعين ماجبت الجوابي = أستر المكشوف بين الناس والخيره خفيــــــه[/poem]

[محمد السبيعي]

يا سلام يا سلام

محمد السليس و عبيدالله العرابي

وفرصة للاستمتاع بمحاورة متميزة بين شاعرين متميزين

متابع لهذا المحراف الرائع والرائع جداً من أبو علي

[محمد السليس]

بدر المعصيري

هلا والله وغلاا يااخاالى

ومااعليك زود يالامير

وداامنك في صفي ابشر بالسعد

الولد وان طااب فاله من خوااله


عساانى مااخلا والله

ابوو تركى

هلا وغلا والله


عاااش من شااافك والله

يااولد غرااابيل تشكوووك الى الله

فااقدينك يشهد الله

ومحااورة السعد اللى خلتنااا نشوووفك يالامير

ولاخلا والله

[أبوعبدالرحمن]

صحت قلووبكم

وبداية موفقة لمحاورة مميزة


متابع وفي صفك يالعرابي

[عبيدالله العرابي]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله الله
اسلم واستلم


أنت فارس لو عطيتك سيف من دون النصابي=ما آنت ضايع شَوَف .. بين الناس والخيره خفيه

الله يجيب المطر وتطيب لك خضر الروابي=ثم يبدي صوف .. بين الناس والخيره خفيه[/poem]

[عبيدالله العرابي]

تحيّه صادقه لكل من مر من هنا ..
بدون تخصيص ملؤها المحبه والتقدير والإحترام

[حسين الحارثي]

الشاعر الغايب الحاضر/ محمد السليس

هلا ومرحبا فيك

وين هالغيبه يابو علي

والله اني مشتاق لطواريقك

وها انا استمتع معك ومع الشاعر /عبيدالله العرابي

لذا ياليت تواصلون حتى تكمل السهره جمالها

لاهنتو

وانا في صف عبيدالله العرابي وبدون مجامله

والليل

[فايز الشدادي]

ابو علي حياك الله في محلك

الشاعر عبيدالله

شد حيلك وتراني بصفك

ولاهان ابو علي

متابع الى النهايه

[محمدالذيابي]

صحت السنتكم

وادام ابداعكم

[صالح الروقي]

صحت السنتكم جميعاً وانا بصف ابو علي

واصلو يالكباااااااااااااااااار

ولكم مودتي

الرووووووووووووقي

[صتمان]

محااااااااااااااوره من الوزن الثقيل

ياهلا ويامرحبا تراحيب المطر بعبيد الله العرابي

المكسب الكبير لغرابيل ولايهونون شعارنا

ويامرحبا مليون يابو علي

الاستاذ والماهر في غرابيل

وتراني في صفك يابو على والليل الليل

ولكم احترامي جميعا