[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""]
الغربة اللي كنها ظلمة الليل
=صارت هي الغيمة ودمعي مطرهـــا
احترت وانقطعت جميع المواصيل
=الله يعـين العين طـول ســهرهـــا
اليا ذكرت اللي رموشه مظاليل
=قلـــبي تقــطع بالحــشا لاذكرهــا
اقضي طوال الوقت بالحزن والويل
=سبة هنــوفً طولــت في سفــرهـــا
من يوم راحت عندي الصبح كالليل
=ماعـــاد اميز يومها من شهرهــا
يــامــا قضــينا وقتنا بالتعــاليــل
=حتى شعاع الشمس يبدي سفرها
وياما التحفت بضافيات المجاديل
=في ليلــةً ماغاب عنها قمرهـــــا
الحظ عاثر والبخت دايم يــــميل
=هذا عنا روحي وهذا قدرهـــــا
ولا باقي من ذكرها غير منديل
=وصورة عزيزة غالية من صورها
[/poem]