المشاركة الأصلية كتبت بواسطة ** عذبة النوح **
,
,
بسم الله الرحمن الرحيم
تحيه طيبه لكل الطيبين , عدت اليكم بجديدي القديم واتمنى ان يحوز على رضاكم
وهذه المره عن اناس يبتلوننا ثم يذهبون وكان شئ لم يكن .
[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ولعتني فيك ثم اخلفت لي ظني=حايلت قلبي ويوم اذعن تجاهلته
ليه التبلي دخيل الله علمني=طلبت حب وعطيتك ليه رجعته ؟!!
البال قبلك خليّ , وكان متهني=غافل عن الحب وهمومه , ونبهته
انت الذي جيتني شفقان متعني=واسأل رسولٍ من الترديد عذبته
واحرجتني عند ناسٍ بك تكلمني=مافيه شخصٍ اعزّ إلا وكلمته
احدٍ يقول الكبر لله , يحذرني=يحسب سكوتي تكبر يوم داومته
وهذا يقول ارحميه , وذا يأنبني=وآخر يقول الهوى غلاب جربته
حتى بنومي حلومي لك توصلني=في كل الاحوال تفكيري تملكته !
وصارت طواريك مثل الذنب , تلحقني=لو ذكرني - من الذله - تذكرته
رجلك على دربي المقصود تسبقني=وموعد مسيرك على مسراي وقته
ياطول بالك وياصبرك , وانا كني !=ارخيت لك حبل ودي لين سلمته
الوقت والناس والامال أغرني=ورجوى غرامٍ بعد للحين ما عشته
والحاحك اللي اسرني , مع صغر سني=وحكي العذارى وحلمٍ فيك حلمته
اقبلت كلي وانا لا اقبلت ,, ما اثني=دربي ولو كان به عثرات , سمحته
ويوم انت ظامي لبعض الود , وتمني=نفسك بوصلي , عظيم مناك حققته
مديت كفٍ بصدق الوعد متحني=واحلا كلامٍ بدنيا الحب لك قلته
وكنت انتظر فن شوقك يلتقي فني=وارهفت سمعي لصوت غناك ارهفته
لكن عزفت اسوء الالحان واحزني=ذاك الغرام الذي بالمهد كفنته !
كلي ذهول وسكوتك ما يساعدني=انت السؤال وغموضه وانت أجوبته
صديت عني قبل حتى تعاشرني=ياهايم الامس ... هذا اللي تعلمته !!
هو ذا ثقل او جنون او تنتقم مني؟!=والا نزولي لمثلك ما تخيلته !!
او قصة العاشق اللي فيك تجمعني=الفتها , يدفعك نقصك ,, وكملته !!
دامك - صغيرٍ - اخاف اتك تصغرني=وانا مقامي ولو- كبّرك - ما طلته
البعد قبل البدايه , حبلٍ انقذني=منك , وعلى الله , كفاك اللي تصدقته
وتبغى الصراحه !!! على انك مخلفٍ ظني=الظن يشكر جنابك لانك اخلفته[/poem]
,
,
وسلامتكم