(((بسم الله الرحمن الرحيم)))
.
.
.
لكل من مر من هُنا الشكر ..!!
أتمنى أن تحوز ولو على جزء بسيط من رضى ذوائقكم..!!
.
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الصمت سم الجروح وحكيك علاجها=وأنته عليّه تشح ولا عليّه تروف
محبتك لا بغيت تْشيد ابراجها=مدت كفوف المواصل شدها بالكفوف
ومشاعرٍ في ضميرك تطلب افراجها=من سجن صمته معزب والكلام الضيوف
ليتك تجمل بها من عقب إحراجها=دام ان غيث المحبه يا غلايه قنوف
ودام ان فاطر قصيدي عقبك خْلاجها=يشق سمع المعنى والبعاد مْعيوف
الين مهرة لقاك اتعب على إسراجها=ويحدّني عنك من بعد التغلي صدوف
وأسهر وليلة عذابي مضوي سراجها=وسراجها هم وهْموم المولع حتوف
لاجت هموم المولع ترزم أفواجها=اطيح وآقف لو اني ماقويت الوقوف
والنفس طاريْ الغلا من عقب ماهاجها=ياكن بين المحاني مثل ضرب السيوف
من كلمةٍ يعجز لساني على إخراجها=يا قوّ بعض الكلام و قوّ بعض الظروف..!!
لو غيركم مملكة شعري لبس تاجها=كان اقنع بشوف عذقه دون جني القطوف
لكنها سالفة فكره و معراجها=فآخر سما من سماوات القصايد تطوف
يصعب عليّه اترجمها ودْوبلاجها=أصعب من الترجمه وتْظل بين الرفوف
وياكثر مافي المكاتب داخل ادراجها=وياكثر ما فالقصايد من رموز الحروف
لكنّ يا رمز شعري فكرتي ناجها=بيني وبينك هنوفٍ مير ماهي هنوف..!!
دام التمعن سفينه تتِعب أمواجها=وش عاد لو تاقف حروف المعاني صفوف
بأكتب على صفحةٍ فلّت لي حْجاجها=يالووف قلبي المعنى في زمانه يا لووف
وآسف على الحزن كانه سبّب إزعاجها=لكنّ جرح التغلي بدل الامن خوف
وأرض الجراح العميقه كل من داجها=يحس رجله تشيله مير من دون شوف..!!
حسبي عليها يوم انه ثوّع عْجاجها=والضيق حاف الخفوق اللي شكى منه حوف
قصة حكاية غرامك بعد مونتاجها=فيها نزاعة حكم وموت قلبٍ شغوف
لو كل بنتٍ تراعي قلب محتاجها=ما كان عذر المفارق لأفترقنا الظروف[/poem]
.
.
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من كلمةٍ يعجز لساني على إخراجها=يا قوّ بعض الكلام و قوّ بعض الظروف..!![/poem]