المشاركة الأصلية كتبت بواسطة $ ابن العز $
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله اكبر يوم طلت في سمايه نوره = والله اكبر يوم ضيفت الغرام بداري
قبلها بيوت الشعر من الوصل مهجوره = وبعدها وجه المحبه والموده عاري
المشاعر يوم بانت حظرة الاسطوره = اعتزتبي واحرجتني وانتخيت اشعاري
و كان قافي مالعب في وصف خلي دوره = قبل لبدى ياعسابى ينتهي مشواري
كل عرقاً مالكه جمسي لها به صوره = وكل ركناُ في حشايه درعها التذكاري
كنها بدر الدجي لابان وارسل نوره = تخجل انوار المدن ويزين ليل الساري
اغرست بذر التواضع واثمرن بذوره = واروته من نبعها الصافي الزلال الجاري
الوصايف لاسلمت من الهدب مقدوره = اعتذر لو ادري انه ماتجوز اعذاري
كن كلمتها لاجات من الحيا مجروره = والعيون اسلهمت ماللعذارى طاري
كنها لاسلهمت مطعونة مغدوره = ورمشها يحلف ورب البيت لاخذ بثاري
والغروب اليا امتزج مع حمرة البندوره = تظهر الوان الشفاه اللي تبيح اسراري
ثغرها فيه الألئ كنها منثوره = والله ليعجز ويقصر دونها البحاري
وان مشت تسحب اخطاه كنها مجبوره = والشعر كان انتثر تلقح بنات افكاري
جعلها ماتشتكي ظلم الزمان وجوره = وجعلها تبقى وانا ابقى تحت حفظ الباري
ذيك لو ترحل وتخلى بعدها المقصوره = كان من ماوسط جوفي جيت زابنن ناري
وحدها اللي قلبها لاجلي يذل اغروره = ووحدي اللي لجلها هديت صرح اجداري
قلبها نهج المحبه والوفاء دستوره = واشهد انه مااستباحه غير صدق اصراري
عاقله والعقل منها طالعٍ من طوره = وين ماحلت تجوز وتستحل ادياري
كنت واحد من محبينه وجمهوره = وصرت الاول بينهم ماحد(ن) يشق اغباري
مايضيع العمر معها لو تضيع شهوره = ولانزل في حبها بين العرب مقداري
وان نوت لاقدر الله ترحل المذكوره = قبل ريح افراقها يبدى يهيج اعصاري [/poem]
وسلامتكم
ابن العــــــــــــز