من جديد اخوكم الشاعر السيل وامل ان تنال اعجابكم
[poem=font="Arabic Transparent,6,black,bold,normal" bkcolor="transparent" bkimage="" border="none,4,white" type=2 line=1 align=center use=ex num="0,black"]
قلبي يجيله ياهـل العـرف لايـف =هاجوس من بد الهواجيـس لفـه
هاجوس قلباً مـن مـداره عايـف =بعد وضعت القلب في وسـط كفـه
سيطر على قلبي وأنا لـه مهايـف =وكنه من الاعمـاق بيديـه ضفـه
سئلت وش شفك ويش انت شايـف =وطالع وقال أجهز ويصعـب شفـه
شفه بجيب جيكس والـون كايـف =كنـه ليامـرك جنـاحـه يكـفـه
تقـول ذيبـاً للمقاطيـن حـايـف =مافيـه عاليـاً مايويـق بمشفـه
يباء العشاء ومن اهل الضين خايف=وأقفاء ولوجوعـه عليهـم يدفـه
وجهه لياء شفته وقفـاء وسايـف =نظرت حشيم عن الرداء فيه عفـه
وجبته وجهزتـه وحملـه خفايـف =وقعدت مانحتاج من عفش أصفـه
براد مع ثنتين صفـر(ن) ولايـف =فنجالهن يبعد خـوى مـن يشفـه
وأخذت شيً من عديـم الوصايـف =شيً عن الانظـار فالعفـش خفـه
ومريت ابو ناصر ومريـت نايـف =نايف لو أسمه غير والمشي اخفـه
ومريت ابو راكان مانـي بطايـف =وساعة وقف ماقال حـول وطفـه
عجلين والممساء بعيـد النذايـف =برض(ن) خلاء ذار الهبايب يهفـه
من فجر لين الليل غطاء النوايـف =والخط يأخذ مطلعـه عـن ملفـه
مشيه يشوق القلب بيـن النحايـف =كنه مع الارض الوعر فيـه خفـه
ومشيه علاجـاً للكبـود النشايـف =يشـوق سواقـه يوقـف بصفـه
يطوي بعيد الدار طوي الصحايـف =ساعـة دركسونـه خبيـره يلفـه
يوم الطرق يحصل لهلهـا كلايـف =ماضايق الركـاب جـرف ومطفـه
وسوالفاً بيـن النشامـا طرايـف =نشفقلها وعـن الـرداء مستعفـه
ولياء فهق خطه جبـال وحتايـف =فاقصاء مسيل لوادي الضلع لفـه
في خايعاً جـوه عليـه الحسايـف =ممطور عشبه ناقعـاً مـاه حفـه
شفي وشف اهل النفوس الصلايف =ألي على شوف الخـلاء مستخفـه
تشفق لشوف العشب لوهي تلايف =وعنها الصلف من يوم تاصل تكفه
لو طولـو ماهوجسـو بالنكايـف =وكلاً مثل ماقلـت يسعـاء لشفـه [/poem]