[poem=font="Simplified Arabic,5,black,bold,normal" bkcolor="transparent" bkimage="" border="solid,1,gray" type=2 line=0 align=center use=ex num="0,black""]
أمرّك يالحفر مثَل عابر سبيل=ويمرّ قدامي شريط الذكريات
اطرق معَ ليل الشتا بحر الخليل=واركّب المعنى على عدة جهاة
الطيش وايام الصبا واول خليل=وحب الجنون اللي معه حب انفلات
انادم الذكرى مع الليل الطويل=واقول في نفسي : ياكثر الأمنيات
اللي تلاشت والعذر ( صبرٍ جميل )=ويبقى عزاي الباقيات الصالحات !!
مافيه في قاموس فكري ( مستحيل )=عندي امل رغم السنين الجايرات
بعد الهماج اذوق حلو السلسبيل=واجازي القلب المعاند بالثبات
الحلم لو ضاع الامل يصبح قتيل=باقي بصيص من الامل قبل الفوات
ياقلب مدري وين أبلقالك مقيل ؟=لكن تذرّى فالضلوع الناحلات
حلفت لك بالله ما تصبح ذليل=واني اصونك لين انفاس الممات
يالله .. فمان الله والشكر الجزيل=للذكريات وللحفر وأحلى البنات
[/poem]