بسم الله الرحمن الرحيم....
السلام عليكم ورحمة الله وبركاته....اسعد الله اوقاتكم بكل خير ياجماهير الملكي....
:::::::::::::::::::: :::::::::::::::::::: :::::::::::::::::::: :::::::::::::::::::: :::::::::::::::::::: ::::::::::::::::::::
ياجمهووور...ياجمهووو ر....ياجمهوووور
وبعدين معاكم؟ليش كل هالتحطييم,,,منتدانا سار كل ابوه تحطييم,,,الله يرضى عليكم يكفي
ماسار منتدى الامبراطر,,,سار منتدى التحطييم والاحباط..
كل ماالاهلي جاب لاعب جلستو تحطموو فيييه...ودايم في النهاية تخجلو من نفسكم لانكم كنتو تحطموو وفي النهاية سرتوو تصفقووو...طيب كان من البدااية ادعم وساند وفي النهاية قول اللي تبغاه..
اذكركم بالأحداث اللي حصلت:
وقت ما الاهلي جاب فيكتور سيمويس اغلب المواضيع كانت تحطيم في ذا الاعب لدرجة ان بعض المواضيع تأكد لا وتحلف كمان ان الاهلي سيهبط للدرجة الأولى...
لكن في النهاية ايش حصل؟؟انا ماحتكلم ولاحقول شئ لانه كلامي وااضح
طيب تعاالوو كداا كماان نشووف اللعيبة المحلييين:
الكابتن جفين البيشي..اكثر لاعب في الاهلي تعرض لإنتقااد مايتوصف بصراحة
وشوفو كيف رد اللاعب على كل من انتقده (انتقاد ليس بناء)وسبه وشتمه,,,وفي النهاية ايش رد اللاعب
وكيف سارت الجماهير مع اللاعب ..وكيف سار التصفيق له...
تعالوو نرجع مره ثانية للاجانب ونختار الاجنبي كماتشو...
(والله العظيم اننا رحنا فيها )(احلموو اننا نشم الدووري)(وقسم بالله ماحننافس على اي بطولة)....الخ
ومواضييع لمن تشبع,,,تحطيم في تحطييم,,,وفي النهاية ايش ساار؟؟؟الكل يبكي على رحيل كماتشو
ولانقوول الأغلب حزيين على رحييل كمااتشوو,,لأانه اللاعب اثبت للكل ..وخاصة لـــ جماهير التحطيم..
نطلع من كماتشوو ونشوف اللاعب بالومينوا..
ياما وياما سمعنا مواضيع عن هاللاعب ...رغم ان اللاعب مباراة ورى مباراة يثبت انه مهما لعب في اي خانة يقدم مستواه ويثبت للكل انه صفقة ناجحة ..ويكفي كلام المدرب ياروليم حينما قال(بالومينوا اجبرني بمستواه اني اشركه اساسيا في قلب الدفاع)...وفي النهاية ايش سار؟
لو افترضنا ان بالومينوا راح ايش حتقولو؟؟والله ثم والله ثم والله انه عندنا نجووم يتمناهم الاندية بس انتم(جماهير الاحباط)ماتدركو هالشئ الا لمن يروح من يدكم...
اخر نقطة حتكلم فيها (اللاعب الاجنبي الرابع) ماحقول اسمه لانه لغاية الآن مافي شئ رسمي...
لكن مهما يكووون لاتحطموو...لاتحطموو, ,,لاتحطمووو
وصدقوني حتى لو اللاعب من خلال المقاطع فناان ونجم كبيير,,ماحقتنع فيه الا لمن اشوفه قدامي على الملعب وايش يقدم لفريقي....وكلي ثقة في ادارة الأهلي والمدرب ياروليم بجلب لاعب يفيدنا
فأنت بدل ماتجي تحطم....او تسب وتشتم لاعب محلي او خلينا نقول اجنبي بما ان الحديث عن الاجنبي الرابع
تنتقد وتحكم على اللاعب,,لا وتحكم كمان على مسيرة الاهلي في الموسم القادم علشان شفت مقطع لــ لاعب اجنبي تروح تحكم على اللاعب وعلى الاهلي كيف حيكون في الموسم القادم!!!!!!!
فعلا حاجة تضحك...وبنفس الوقت تحزن على مثل هذا التفكير
ياجماهير الملكي الله يرضى عليكم يكفي تحطييم....سااندووو
كلنا ثقة في ادارة اهلينا
ارجوا ان كلامي وصل للجميع....واسف عالاطالة
تقبلوا تحياتي..وبالتوفيق للملكي
من أجل الأهلي:star:
رد مع اقتباس
