[align=center]،
،،
إسمحولي .. على الغضب ..!!
فلم يبق لنا الا الــ .. غضب والذي لم يعد كغضبنا قبل ردح من الزمن
فقد قال سعد زغلول في أوائل القرن الماضي
شدّي اللحّاف يا صفية ... مافيش فايدة
،
،،
،[/align]
[poem=font="Simplified Arabic,5,darkblue,normal,normal" bkcolor="transparent" bkimage="backgrounds/40.gif" border="ridge,4,darkblue" type=2 line=0 align=center use=ex num="0,black"]
ماني من اللي تلبس الجينز والشيش=والاّ تدوج اسواق جدة على ماش
وماني من اللي تصبغ الشعر بالميش=تلحق ورا موضة يهودي ولد لاش
ماني من اللي ترقد الليل عالريش=تصبح تدوّر بالخنا حفنة الكاش
إن مت من جوعي فباقول معليش=ما يشبع اليومين هذي سوى التاش
المسأله ماهيب مدح وتفاريش=والا فجور أصوات بلسان بكّاش
الفقر إيييه الفقر يابو الدراويش=يا هو ذبح فينا البراءة وهو عاش
من قبل لا ننسى زمان المرابيش=يوم الصبا ينبت نواوير و اعراش
نصبح على تمرة رضى مع قراقيش=نمسي وكن قلوبنا لفّة الشاش
قولوا لمن يدفع عيالة على الطيش=كنة على روس القطيع بعصا هاش
لا يضمن الجنّة ولا يضمن العيش=مثل اللذي ميّل براسه على كلاش
بو متعب اللي صار ما هوب تحريش=بو متعب الأوضاع ما عاد تنعاش
الشعب جايع والحكومات تطنيش=لالا تحدون البشر يم رشاش
ما ينفع اجراءات أمن وتفاتيش=لا صا كل الشعب جايع ونهاش
الجوع ساحة حرب وانيابنا جيش=وأقواتنا بيدين مجرم وغشاش
ناسِ فوايد مالها تملي الخيش=وناسٍ رواتبهم تقل دخل فرّاش
ماهي تجارة تحرم الناس مـالعيش=وماهي شطارة تنتقد شعب في طاش
تكفون ياللي مرسلين المطاريش=قولوا لهم ناخ الحرامي ولا نحاش
لو هي بديهم يفصلوا عننا الفيش=لا ماي لا كهرب ولا قطعة قماش
حتّيش بو متعب وحتّيش حتّيش=ماعاد يلقط رزقنا كود منقاش
امّا تريح شعب كامل عن الليش .؟=والا تقوم وشعب يرقد بالانعاش
مدري بقي لليوم من ينتف الريش .؟=أكثر من اللي صار يا واش يا وااش
لكن بنبقى شعب وافي دراويش=حتى ولو شفنا الغدر غصن رعّاش
هي سارعي للمجد والاّ على أيش .؟=عاش المليك وعاش شعب الفقر عاش [/poem]