السلام عليكم
لاتفوتكم التمشيات في الربيع والجو الحلو
بعد نزهه بريّه قضيناها في ( النعيريه )
وكان معي زميلي الشاعر العطيب اللي جاني من الكويت
وبعد حضورنا لعدد من الأمسيات الشعريه
وفي أثناء توجهنا للرياض قلنا نوسّع الخاطر ونغني ونشيل صفوف
في السياره ونضمنا عدة أبيات ننشرها هنا
فقط للمتعه ومجرد الإطلاع :
[poem=font="Simplified Arabic,4,black,normal,normal" bkcolor="sienna" bkimage="backgrounds/23.gif" border="solid,4,royalblue" type=2 line=0 align=center use=sp num="0,black"]
أنورت قمرا حياتي بعد ماطال الخسوف=أحمد الله يوم وقتي ماغدا كلّه سدا
أقبلت كنها تخطّا فوق دقّـات الدفــوف=يوم جتني كن نبضي تو فالقلب أبتـدا
أرتجــف قلبي وأنا اللي ماتزعزعنـي ظروف=ماهقيـت القلب يخشــع لين شافه ثم هـدا
أمطـرت سحـب المشاعر يوم لامست الكفوف=عطّـرت جوي بعطرٍ من نسايمهـا شــدا
كل ماشفت العيــون اللي بها هيبـه وخــوف=أعرف أن ليلي طويـل وما لوقتي من مدا
الله أكبـــر ياعيـــونٍ ماتحــــن ولا تروف=من نظرها في طريقـه ضيّع الدرب وغدا
لو نشــرت أبيات شعري في أصـايل مع قطوف=مع قصيدٍ قد كتبته يافهــــد بالمنتـــدا
المحبــه فالضمــــاير ماتبــي منا حلـــوف=القوافي والقصــايد عن غرامـه تشهـــدا
ليتني أدخــل خفـــوقه وأنظر بعينـــي وأشــــوف=عقب هذيك السحــايب هو بقا قطرة ندا ؟
يستـر الله لايجــي شمسه عقب وصله كسـوف=دام وصله لي حياه ومرخصٍ روحي فدا[/poem]
مع تحيات :
الكــايد و العطيــب