[poem=font="Simplified Arabic,5,black,normal,italic" bkcolor="skyblue" bkimage="backgrounds/6.gif" border="double,6,red" type=0 line=0 align=center use=ex num="0,black"]
يالله اني طالبك يا باسط(ن)سبـع الاراضـي =ياكريم(ن)بالعطا واليا عطـا مـا فيـه منـه
انت قادر وانت حاكم وانت عادل وانت قاضي=وانت كل الكون من صنعك ومن بدعك وفنـه
وانت لا ضاقتبي الدنيا واراضيها العراضـي=مزبني يا مزبن المضيـوم مـن هم(ن)يكنـه
ليلي البارح قضيته والحشا فيـه الشواضـي=مونس(ن) وسط الحشا نارن سعيره مستكنـه
اتقلـب والعيـون الساهـره فيهـا انتفاضـي=عافن المرقاد عن حلـو الكـرى مـا يقبلنـه
ساهر(ن) لين اتضح خيط السواد من البياضي=مهتنيت النـوم والعالـم هجـوع ومرجهنـه
من هموم(ن)كنها بحرن بوسط الفكر فاضـي=هاجت امواجه على مركب حياتي واغرقنـه
كل ما عقلتهن صفن قبالي بعتراضي=مادريت ان الفكر صار معقول وعقلنه
وعذاب القلب منها صايرن فيـه اختضاضـي=حالتـه حـالـة يتيم(ن)والليـالـي لوعـنـه
عايشن في دنيت الاهوال والعمر افتراضـي=ما يعيش ابهاا ضعيف الزند لو كشـر بسنـه
زارعه في جوفها لغـم ومحابيل(ن)رباضـي=ترقب الي غافلن عـن طرقتـه ثـم طرحنـه
ياليالي لرضيتي قلت انا مـا نـي براضـي=وكان راضي فاليالي ما رضت بالـي نظنـه
من يناظر في عيوني شاف برق الغيم ناضـي=يخبر الي مادرى عما حصل فـي ضيمهنـه [/poem]