السلام عليكم
اتمنى ان تحوز على اعجابكم ..
[poem=font="Simplified Arabic,5,white,normal,normal" bkcolor="transparent" bkimage="backgrounds/9.gif" border="double,4,purple" type=2 line=1 align=center use=ex num="0,black"]
يا ماخذن كل المشاعر والاحساس =روحي وروح الروح عندك رهينه
يا صادق الاحساس يا طيب الساس = عيني عقب فرقاك دايم حزينه
يالمعدن الصافي وياجوهر الماس = يا عمري الفايت وباقي سنينه
يفداك منهو للوطا بالقدم داس =ويفداك من خط القلم في يمينه
عقبك ترا ما غمض الجفن بنعاس = حلو الكرى اصبح حريبٍ لعينه
اعروق قلبي من سبايبك يباس =قلبٍ ملكته جعل ربي يعينه
وهموم قلبي مالها عد واقياس = لاقلت راح الهم عود بحينه
القلب اصبح مدهل لكل هوجاس = اليا ذكر ماصار بينك وبينه
يحن قلبي كل ماهب نسناس = واخاف يفضحني بكثرة حنينه
عقبك ترا بعزله لواني مع الناس = وقتي تساوى بكل زينه وشينه
للحين قلبي منك ماصابه الياس = لازلت لي الربان وسط السفينه
اختكم ..ديمة الشوق[/poem]