[align=center]بسم الله الرحمن الرحيم
السلام عليكم ورحمة الله وبركاته ...
متواضعه للتواصل عسى ان تنال على شي من اعجابكم ..[/align]
[poem=font="Arial,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
ياللي على بالي تجيـن وتروحيـن=ارجوك شوفي حالتـي ورحمينـي
حالي تردا مـن غيابـك وتدريـن=صدك وهجـرك زود الهـم فينـي
غبتي وقلتي كلها شهـر شهريـن=وراح الشهر واليوم صارت سنيني
طولتي الغيبـه متـى لـي ترديـن=ياللي غلاك بوسـط قلبـي دفينـي
اسهر بليلي وانتي همـك تناميـن=مشغول فكري كل طـاري يجينـي
مادري وش اللي صار يومك تغيبين=خوفي نقضتي العهد بينـك وبينـي
بصبر عسى مـره عليـه تحنيـن=بصبر عليك وكـل قاسـي يلينـي
بصبر وعرف اللي تبينه وتنويـن=بصبر عليك وكـل خافـي يبينـي
عودي لخلـك يابعـد هالمزاييـن=عودي علي ارجـوك لا تتركينـي
ياللي على بالـي طلبتـك تعوديـن=فالقلب لك مسكن ومجلسك عينـي
عبدالله عزيز[/poem]
رد مع اقتباس
[/align]
