السلام عليكم
اعضاء هذا الصرح الشامخ
اضع بين ايديكم مصافحتي الاولى عل وعسى ان تنال على اعجابكم
[poem=font="Simplified Arabic,6,skyblue,bold,normal" bkcolor="transparent" bkimage="backgrounds/28.gif" border="inset,4,gray" type=2 line=0 align=center use=ex num="0,black"]
ألا يا ماضي الذكرى ليا مني نويت انساك =تصور لي معالمك القديمه في وسط عيني
تصور لي معالمك القديمه واللقا وياك =زمانٍ فات ماهو اليوم يومٍ كنت مغليني
انا لامن طرا لي ما طرالي عنّلي ذكراك =تذكرت الزمان اللي مضا ما بينك وبيني
زمانٍ قلت لي فيه العرب ياصاحبي تفداك =انا يا كيف ابسلا عنك من غيرك يسليني
ترا اقشر يوم عندي ذقت به يا صاحبي فرقاك =عقب فرقاك شوف الهم يا المجمول طاويني
توديني هجوسي للمكان اللي تعرفه ذاك =ليا من عنت الذكرى على جاله ترسيني
انا والله مانسى يوم فيه اتمدلي يمناك =تعاهدني على عهد الوفا وايضا توصيني
ولكن وقتك الاقشر مثل ما جابكم وداك =رحلت وزايد الاشواق والذكرى بقت فيني
اظنك شايف بعينك واظن العلم ما يخفاك = وش اللي يجيبني يمك وش اللي لك يوديني
انا لادكبي هاجوس سجيت القدم لحماك =تعنيني هجوس ولا نظرة الزول يكفيني
انا تكفيني النظره ليا شفتك تعد اخطاك =تحسبني نسيتك ما نسيتك وانت نا سيني
الا ياماضي الذكرى ليا مني نويت انساك =ذكرت اللي مضالي ما مضا في ماضي اسنيني
[/poem]
((( ســـلامــــتــــكــــم ii)))
ارجوا التنسيق من الاداره