شفتك وكنــــي تو بالأرض مولود **** تـــــــاريخ ميلادي بلحظات شـــــوفك
يوم عليه الكل شـــــــاهد لمشهود **** وكتاب عشقي في سطوره حروفك
حبك حياتي داخل القلب موقــــود **** سحرتي عيوني بكــــــــامل وصوفك
ياحلم فيني صـــار بالحيل منشود **** ما انسى غرامك لو قست بك ظروفــك
أنا ادري اني فيك لاشك محسود **** كثــــــــــــــــــــار منهم يحتروها طيوفك
تبان غيرتهم لها الحسن بالكـــود **** ويكبر قــــــــــهرهم لي تهزي كتوفك
من عالمي كلٍ معك عـــاد مطرود **** وانتي وربي صـــــــدق ما اقدر اعوفك
دامك بــــــداية حب بالأرض مولود **** تاريخ ميلادي مقيد بشــــــــــــــــوفك