[align=center]السلام عليكم ورحمة الله وبركاته ..
.
.
.
أتمنى أن تنال قليلٍ من اعجابكم ..
.
.
.
[poem=font="Arabic Transparent,5,white,bold,normal" bkcolor="transparent" bkimage="backgrounds/21.gif" border="ridge,5,white" type=1 line=0 align=center use=ex num="0,black"]
يالليل ماذكر في حياتي تمنيت = مثل ابتسامه تنتشل قلب منصاب
مليت ورب البيت يالليل مليت = من الجروح اللى تجيني بلا اسباب
تدري يالليل اني على الجرح غنيت = غنيت دمعه والصدى ضم الاهداب
تبي الحقيقه والصراحه ترجيت = فرحه ولكن الزمن بالعطا خاب
يالليل قلي بدنيتي ويش سويت = حتى الهموم بداخلي تفتح ابواب
إن كان طيبي عيب ومشكلتي اوفيت = اموت صادق وارفض اعيش كذاب
طبعي كذا عن ميزتي ماتخليت = عندي مبادي دونها ترخص ارقاب
بيني وبينك ياكثر ماتعنيت = اركض بغرفه مغلقه مالها باب
غرفه وراها فرحتي دونها جيت = اركانها عتمه ولا حولي احباب
كاس الفراق المر منه تقهويت = انا اشهد إن الشوق يالليل غلاب
يالليل انا لاشفت ماعفت قفيت = اقفي ولو خلفي كثيرين الاصحاب
الا جروحي كل مارحت وقفيت = جتني تحمل صدتي لوم وعتاب
ماذكر ولو مره بحياتي تهنيت = اضحك كذا والصدق عن شفتي غاب
صارت دموعي ضيف وعيوني البيت = ودايم تشوف من المناديل ترحاب
اشرب من الدخان لاجيت باكيت = احرق زقاير والسهر يحرق اعصاب
لاشفت شمس الصبح ليديك حنيت = في داخلك حبر القلم بالشقى ذاب
اسريك بالحالي واذا رحت ونيت = مابي تروح ودمعتي بين الاهداب
أكتب شعوري في ظلامك على ايت = ونورك ختم قصة عذابي على اب
يالليل قل لصبح اني تمنيت = بس ابتسامه تنتشل قلب منصاب[/poem][/align]