السلام عليكم والوئام
كل عام وانتم بخير
مصافحه بعد الغياب
أتمنى أن تحوز على رضاكم
/
-
[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عَكْس جوّك انا وانتي بعد عكس جوّي =فصل خامس وسادس باسم ادم وحوّا
في هجيرك لقيت ان إحطبي شب ضوّي =وفي برادك من الحر ارتمي واتلوّا
وفي هجيري وبردي ساد بالجو نوّي =والمطر دمع سيله كل ماله تقوّا
سال سيله على خدّي وصار إمتروّي=ثم هز وربى حتى انبت الهم جوّا
مابقى شي ممكن لجل يمكن اسوّي =انت مثلي تشوف البعد وشلون سوّا
كل مافيك قال استعجلي لا إتّروّي =واطوي الي بقى لك مع زهابٍ تطوّا
ماطوى مع زهابه جرح وقت إمتكوي =لو كتمته يصيح ويلتهب لو تهوّا
ليت بعضك وكلك عالجه وامتنوي =لكن انزاح بعضك ثم كلك تزوّا
لين عاكستني والجوماعاد جوّي= هذا آخر عطاكم لإبن آدم ياحوّا..!![/poem]