قاد المهاجم سعد الحارثي فريق الاتحاد الى الفوز على الهلال

[متعب الهزاع]

قاد المهاجم سعد الحارثي فريق الاتحاد الى الفوز على الهلال.:

[مبـــارك]

صح كلامك ...

<< شف المباراة

وسعد الحارثي . لاعب ولا يستهان به

[متعب الهزاع]

انا ماحبيت اكتب كلام كثير يكفي اسم الاعب وبس

[العالمي999]

صح يا متيعب أنا مادري ليش الهلاليين حاقدين على الحارثي



مشكوووور اخوي متعب

[ابوسعود]

النصر يعطي الهلال امل في تصدر الدوري قبل يومين ...

ولاعب نصراوي يعطي للشباب امل في تصدر الدوري امس ..

يعني النصر يلعب بالدوري

[مهاجر الزعيم]

هههههها
الف مبروك البطولة
الحين كن النصر هو الي فايز ماهو الاتحاد
الاعب اتحادي وممكن ايضا يستمر اذا رغب معزبكم بهذا الشيئ

[متعب الهزاع]

هههههها
الف مبروك البطولة
الحين كن النصر هو الي فايز ماهو الاتحاد
الاعب اتحادي وممكن ايضا يستمر اذا رغب معزبكم بهذا الشيئ

لا بس حلوه ان النصر كان راح يهديكم التصدر
وخرب عليكم لاعب نصراوي
واحب ابشركم انه سعد الحارثي راح يرجع لنصر لانه يدرس في كلية المعلمين بالرياض ومارح يستقر بجده لانه لايرغب الاعب لايرغب بالخروج خارج الرياض ولو انتقل سعد لاي نادي اتوقع انه راح ينتقل لهلال الكلام هذا من لسان سعد ترا لانه في كلية المعلمين مع ولد عمتي.



وشكراً

والكلام مأخوذ من لسان سعد الحارثي.

[متعب الهزاع]

صح يا متيعب أنا مادري ليش الهلاليين حاقدين على الحارثي



مشكوووور اخوي متعب

انت لين الحين ماتعرف ليه حاقدين.
لاعب عطاهم ثلاث نقاط في مبارة لاتهم .

وسحب منهم ثلاث نقاط تهمهم.
ههههههههههههههههاي
انا داري انها نكته بس هذاالواقع.
في مبارة النصر ضيع ضربة جزاء واهداهم ثلالث نقاط لاتهم النصر .
وسحب منهم ثلالث نقاط في مبارة كانت تهمهم لتصدر الدوري هنا الحقد

بس حلو كلام حمد الصنيع ,
انه سعد قبل المبارة قال راح اعوض ضربة الجزاء.


لاعب واثق من نفسه.

راؤول العرب

[أحمد - البحرين]

الاعب اتحادي وممكن ايضا يستمر اذا رغب معزبكم بهذا الشيئ

اتحدى
واعلنها للجميع أن سعد الحارثي نصراوي 100%
وأنا عند وعدي

[بسمة امل]

ألف مبـــــــــــروك للاتحـــــــــــــاد الفوز ,,

** بس مجرد رسايل قصيرهـ بقولها :

& .. كـ / سامي ... الله يعطيك الف عافيه على مجهودك امس
يمكن الحظ ماحالفك .. بس اعطيت ومشكووور ...

& .. كـ / نواف ... والله ورديت للهلال روحه .. الله لايحرمنا منك ..

& .. الشمري .. مشكوور وماقصرت ..

& .. كاندنيو .. أكبر غلطة يوم تخّرج نواف وسامي سوى لأنهم هم اللي
قادرين على انهم يوجهون الفريق أحسن توجيه !! والكل شاف مستوى
الهلال شلون انخفض بعد خروجهم !!


& سعد الحارثي ... موفق انشالله واعتقد فرصتك بالاتحاد بتظهرك
وبتظهر مواهبك !!! أكثر من النصر ..

.....::::::: للجميع احترامي :::::::......

[مبـــارك]

تعليق بسيط غلى نقاط بسمة امل

& .. كاندنيو .. أكبر غلطة يوم تخّرج نواف وسامي سوى لأنهم هم اللي
قادرين على انهم يوجهون الفريق أحسن توجيه !! والكل شاف مستوى
الهلال شلون انخفض بعد خروجهم !!

كاندنيو في المباراة هذي غير بصراحة بعد التخطبات اللي سواها في المباريات السابقة وخاصة مباراة العين .. يعني لما طلع سامي كنا نحتاج إلى مهاجم في نشاطه لان سامي احسه تعب .. ومثل كذا يوم طلع نواف ... وشفنا هجمة محمد الشلهوب وياسر القحطاني وتركي الصويلح وهم البدلاء في المباراة..يعني المدرب بصراحة ماقصر ووضع خطة ممتازة جداً .. يمكن كان ينقصنا الحظ والحمدلله على كل حال .. لكن بصراحة المباراة حلوة والفريقين ماقصروا .

** الحكم سوا اللي عليه لكن كثرة الصافرة في المباراة غلط .. يعني فيه اخطاء مشاها المفروض ماتخلى .. وفيه اخطاء لاتحتاج إلى ايقاف ووقفها ..

بصراحة فيه اخطاء كثيرة من الحكم .. لكن لم تكن ذات اهمية ..

& سعد الحارثي ... موفق انشالله واعتقد فرصتك بالاتحاد بتظهرك
وبتظهر مواهبك !!! أكثر من النصر ..

سعد الحارثي بصراحة اللاعب مع انه نصراوي إلا انه احبه .. وانا اعتقد ان مظلوم بالنصر ,.. لكن موفق ان شاء الله

تحيــاتي لكم

[خــــالـــــد]

[align=center]
متعب الهزاع
.
.

ألف مبروك لـ الاتحاد الـ ثلاث نقاط الغير مستحقة

والحارثي كنت أتمنى وجوده من بداية المباراة لأنه مهاجم فاشل ..

ولو غيره من اللاعبين موجود كان أتوقع يسجل هاتريك في دفاع الهلال المهتز أمس

لكن .. نقول مبروك وهاردلك للـ الزعيم ..!


أبو سعود

النصر يعطي الهلال امل في تصدر الدوري قبل يومين ...

ولاعب نصراوي يعطي للشباب امل في تصدر الدوري امس ..

يعني النصر يلعب بالدوري

ما تعرف قصة البعوضة اللي دخلت في أذن الملك المتغطرس .. وصاروا الحراس يضربون بالحذايين ؟؟

هههههههههههههههه

يني البعوضة ممكن تموت ملك ..





أخوكـ/خالد[/align]

[هلالي^الشرقية]

الف مبروووك فوز الاتحاد وهارد لك للزعيم

[متعب الهزاع]

ياناس ياليت كل اللي في قسم الرياضه مثل هلالي الشرقيه

ماشاء الله عليك قمة في الروح الرياضيه اخوي هلالي الشرقيه