[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
( البدو ما يقارن زينهم با الحضر )
اغلي البيض وابحر في غرام السمر=عندي الملح والقبله هن الميزتين
بس يامن بغيت الحق ( غير) الشقر=كل مااوفيت دين ينشبنك بدين
مشبعات العشيق ومطربات العمر=ما لهن عند مجنون العواطف وزين
حسنهن ما يبي له وصف ياسر اسر=لو مدحت العيون تلومك الحاجبين
شعر خمري ليا ناداك طعت الامر=لجتمع مع شروق الشمس عيا يبين
لاشلعه الهبوب لفوق عود حدر=وكل مال شالته نسمات يرجع يزين
لارتكز عودها ياصل لوسط الخصر=بينه وبين روس اردافها بوصتين
ظلل خدود لاهن بيض لاهن حمر= خوخ شامي يموع ليا لمسته يدين
بينها مبسمن لونه بلون الجمر=يقلب ارقام من صور لنفسه رزين
وجيد ريحه طبيعي عاف ريح العطر=كيف يحتاج طيب وريحته ياسمين
يوم حاولت اقيسه ما لقينا متر=النهد من كرم طبعه طلب خصلتين
والصدر (اه) عزالي وصلت الصدر=طا لبك عطني اخباره على دفعتين
لاتوصف اذا تخشى عذاب الحشر=شرع ربي يحرم ذبحة المسلمين
لاوصفته اخاف يضيع منك الاجر=طالبك خل عشاق النهد غافلين
واهمل ردوفها به ناس كله نظر=العباة تركت كل المحاسن تبين
تزعل ان قلت وجهك يا الحبيبه قمر=وتقبل ان قلت يا شمس الضحى تامرين
لا تسبه بطول ولا يعيبه قصر=كامله والله الكامل على العالمين
من كسبها دعوا له ناس ليلة قدر=ساعة الفجر يوم ان البشر غافلين
بنت تفرح ليا منك نويت السهر=نومها بس عقب الظهر لو ساعتين
قلتها يا السنافي وانت كلك نظر=كنهم هجنوها يا الحبيب تهجين
وينها قبل وقتن في حياتي هدر=ما اقدر اقول كود الله ربي يعين
البدو ما يقارن زينهم با الحضر=الجمال الحقيقي يبهر الناظرين
ما لقيته ببدو الشام والا مصر=مسكنه منطقة حايل واهلها قطين[/poem]
رد مع اقتباس
-new.gif)
