[poem=font="Simplified Arabic,4,black,bold,normal" bkcolor="transparent" bkimage="backgrounds/44.gif" border="none,4,gray" type=2 line=0 align=center use=sp num="0,black"]
بين هقوات الضرير وخطوتك يامقدي =مثل مابين النهي للأمر وإلا الطاعه
والظروف القاسيه تعطيك فرق جدي= بين روغات اللئيم وفزعة الفزاعه
آه ياظلم الليالي والزمن متعدي =ماكسر فيني شموخ ولا لويت ذراعه
يمكن إني هادي بالحيل أو مشتدي = لكن الواقع كذا يفرض علي أوضاعه
مثل من تفرض علي حبه بإسم تحدي= وفلت ببحر القلوب الساكنات شراعه
وطافت السبع البحور وبحت خافي سدي= عاشق يسبق لسانه بصمته بأصباعه
هاتوا المصحف وبأقسم له قسم وأحط فوقه يدي= وتدري إنه في خفوقي رغبته وأطماعه
ماحداني ياغزال الحي خوذي عدي = الزمن ؟ والناس؟وأيامي؟ وقل أسناعه..
وإلا إنتي يابعد كلي وباقي بدي= قطعة مني ليا ضاعت حياتي ضاعه
آه ياوجدي عليك اليوم يأبيض خدي= ماتكفي لهفة الولهان وقفة ساعه
ولا يكفيني قصيدي والغزل والردي = ولا يكفيني كلام من وراء السماعه
رحت أنا وإياك يالغالي بجزر ومدي= لعبة الأمواج مالي حيلة بإخضاعه
لأجل شوفك ماوصلت لمنتهاي وحدي=كود ضيقات النفوس ونزعة النزاعه
حالي اللي من سبايب صدتك منهدي = هدت المبنى الكبير لياهوى باضلاعه
به ديناميت موقت هيكله مسودي= وإنفجر حين أعلن الصيحات زر الساعه
مؤمن في سحر عينك ماني بمرتدي= لك جموع من المحاني صوتت بإجماعه
قلت: ( ودي) بس ليتي ماذكرته (ودي)= كلمة تجرح وتذبح نفسي الملتاعه
ياهبوب عصير خلك للكلام مودي= يوم هبت نسمتك خذلي معاك بضاعه
ودها للصاحب اللي لا معاي وضدي=في مهب الريح علق قلبي بشماعه
كان هو ساهي فقله ينتبه ويلدي=كلمتين تاصله وتطق حبل أسماعه
يانعيم العود يالمياس حلو القدي=لا تخليني لوحشة صدتك وأسباعه
طار قلبي يم عينك وأبعد ولاردي=والطلق لاثار تصعب عودته وإرجاعه
آرخ عرق القلب. من يمك تشده شدي!=وإلا تدري! إقطعه يصعب عليك إخضاعه
مايعبن ألبس لباس ولاهو قدي = لكن يعيبن ليامنه قصر في باعه
لو رجف قلبي قهر بأقول هدي. هدي.=الشدايد له شداد يحتمون أرباعه
قاوم الجرح البليغ بصبرك الممتدي=وقالوا الماضين نفسك لاتزيد إشباعه
والبن آدم لورضي في قسمته والكدي=كان مانلقى صعوبه في سبيل إقناعه
لياأكتمل فصل الربيع الغصن صار مندي= وإن وضح هشم الخريف يموت في مرباعه
موجة الأفكار هدي ماني بمحتدي = ماتضيق إلا تهون بسلمها وصراعه[/poem]
رد مع اقتباس
-new.gif)
