شمعة الوااااااااااااادي

[عبدالرحمن الدوسري]

السلام عليكم ورحمة الله وبركاته
أخواني الأعضاء
هذه قصيده جديده من نظمي المتواضع
كل ما أتمناه هو أن تحوز ولو على القدر اليسير
من رضاكم عنها وعني

[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
هلا وغلا مرحبا ياشمعة الوادي = أنور بك الوادي وزانت لياليّه
جيتي بعد غيبتك وأغتاظ حسادي = من يوم شافوا يديك تعانق يديه
بعض البشر لو يطوّل بالهجر عادي = يروح ولا يجي عندي سواسيّه
إلا أنتي ياحلم عمري وغاية مرادي = غيبتك عني صراحة أثرت فيّه
وشلون لا وأنتي أول وآخر أعيادي = أستغفر الله مع الفطر ومع اظحيّه
أنا غريب الوطن وأحظانك بلادي = ضميني بكل شوق وكل حنيّه
أنا جريح الهجر ويدينك ضمادي = حطي يدينك على جروحي وعلى الكيّه
أنا حريب المنام وصدرك وسادي = خليني أغفى على صدرك لو شويّه
أنا سجين المحبه وحبك قيادي = سجين لكن أعيش بكل حريّه
أنا غريق الهوى أنخيك وآنادي = عينك بحور الهوى ورمشك موانيّه
أنا أسير الغرام وأنتي جلادي = وشلون تقسين !! وأنتي بهالرومنسيّه
أنا بساتين فل ونرجس وكادي = وأنتي الشمس والهوى والظل والميّه
أنا مسافر قضى شربي مع زادي = وأنتي كريمه وبنت أجواد نشميّه
أنا مشرد ولا لي بيت وأولادي = وأنتي الدفى في الشتى وفالصيف لي فيّه
أنا؟ اناشاعرٍ هايم بكل وادي = وأنتي سما شاعرك وارضه وواديّه
ودي أعاتبك وشبك زدت فبعادي = لكن ماابي أفسد الفرحه بهالجيّه
وشله أعاتب مدامي خابر فوادي = يفزع معك لو هو عارف إنُك مخطيّه
ولو قلت أفزع معي أو خلك حيادي = يزعل علي ويتبرى من محانيّه
المشكلة أني يابس راس وعنادي = وعند الخطا تقلب أخلاقي سياحيّه
لكن معاك أنتي أصبح طيب وهادي = ورغم الخطا دايم أخلاقي رياضيّه
مدام جيتي ولو أخرتِ ميعادي = طاح الحطب والعتب مرفوع يابنيّه
تبقين أحلى وأغلى بنت في الوادي = لا والله الا بجميع أرض السعوديّه
[/poet]
وسلامتكم
اخوكم
حزين الحرف
عبد الرحمن سعد

[سعودعبدالله]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لمشكلى أنـي يابـس راس وعنـادي= وعند الخطا تقلـب أخلاقـي سياحيّـه
لكن معاك أنتي أصبح طيـب وهـادي=ورغم الخطا دايـم أخلاقـي رياضيّـه[/poem]


حزين الحرف
عبد الرحمن سعد


صح لسانك ولاهنت على هذه الرائعه

قصيده تستحق الوقوف لما فيها من جزاله

دمت ودام ابداعك

وتحياتي لك

[علي عبدالرحمن الأسمري]

اخوي عبدالرحمن
صح لسانك
و
لاهنت ياالدوسري
دمت بخير

[محمد السبيعي]

بعض البشر لو يطوّل بالهجر عـادي
........................ يـروح ولا يجـي عنـدي سواسيّـه
إلا أنتي ياحلم عمري وغايـة مـرادي
.........................غيبتك عنـي صراحـة أثـرت فيّـه

صح لسانك وقلبك يا عبدالرحمن

قصيدة رائعة كروعة حضورك ،

ومبهجة بسلاستها و تناسق أفكارها


دمت مبدع

[مهدي بن مسفر الحبابي]

صـــح لسـانـك وبـيض الله وجـهـك


ســلـمـت ودمـــت ولاهــنـــت


جـــزله ورايـعـه بروعـة حــضورك


تـقـبل خــالص تحـيـاتـي وتـقـديـري

[عبدالرحمن الدوسري]

اخوي سعود
صح بدنك ولا هنت
اسعدني وشرفني أن تكون اول من يرد على متواضعتي
لك ودي

[عبدالرحمن الدوسري]

أخوي علي صح بدنك يالاسمري
لك ودي

[عبدالرحمن الدوسري]

أخوي محمد
صح بدنك ولا هنت على الرد
الجميل لك مني كل الود والورد

[أمل عبدالعزيز]

,
,
,
,
لكن معاك أنتي أصبح طيـب وهـادي
ورغم الخطا دايـم أخلاقـي رياضيّـه
مـدام جيتـي ولـو أخـرتِ ميعـادي
طاح الحطب والعتب مرفـوع يابنيّـه
تبقين أحلى وأغلى بنـت فـي الـوادي
لا والله الا بجميـع أرض السعـوديّـه


عبد الرحمن الدوسري

شمعة هنا أشعلتها

وبعبير الكون قد عبَّقتها ...


مشاعر منهمرة من قلب مملوء شوق ولهفة


تحية لمثل هذا النبض ياعزيزي..

[عبدالرحمن الدوسري]

أخوي مهدي الحبابي
صح بدنك ولا هنت على الرد الجميل
اتمنى ان اكون عند حسن الظن دائماَ وابداَ
لك ودي وتقديري

[أبوعبدالرحمن]

وياهلاا بشمعة الشعر


صح قلبك وكلك

وسلمت انامك يالجزل


تحيتي

[عبدالله محمد]

أخوي الغالي والعزيز / عبدالرحمن الدوسري
صــــــح لســـــــانـــــك
أستمتعنا بماقرأنا
وعكست لنا إبداعك وتألقك
والله يعطيك الف عافيه
وننتظر إبداعك القادم
وتقبل خالص تحياتي ،،،،،،،،،
أخوك : عبدالله محمد

[خــــالـــــد]

[align=center]عبدالرحمن الدوسري

.
.

[poem=font="Simplified Arabic,5,white,normal,normal" bkcolor="transparent" bkimage="backgrounds/38.gif" border="double,3,coral" type=2 line=0 align=center use=ex num="0,black"]
أنا غريب الوطـن وأحظانـك بـلادي=ضمينـي بكـل شـوق وكـل حنيّـه[/poem]

صح لساانك وقلبك يالغااالي

قصيدة راائعة .. ولا خلا ولا عدم

تسلم يمينك .. وننتظر منك الجديد





أخوكـ/خالد[/align]

[محمد السليس]

ولد زاايد

صــح لـســانــك وبــيـض الله وجـهـك



ســلــمــت ودمــت ولاهــنـــت


قصيده جـزلــه من شـاعـر جـزل


لاهنت

[مشعل الشايقي]

المشكلة أنـي يابـس راس وعنـادي
وعند الخطا تقلـب أخلاقـي سياحيّـه
لكن معاك أنتي أصبح طيـب وهـادي
ورغم الخطا دايـم أخلاقـي رياضيّـه
مـدام جيتـي ولـو أخـرتِ ميعـادي
طاح الحطب والعتب مرفـوع يابنيّـه

لله درك يالدوسري

تسلم يانسل الصقر يابن سعد

شاعر جزل بليغ الوصف

بيتين تتمنا ان تصل لشموخك يشرفني قبولها

[poem=font="Simplified Arabic,6,darkred,bold,normal" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black"]
تسلم يانسل الصقر يانسل اجدادي = عز الخوي لا انتخا حاجاته مقضيه
جزل المعاني حروفك كنها الكادي = احساس يطرب له البلبل وقمريه[/poem]

لاهنت ياولد عمي ولاهان غاليك

تحياتي