[align=center]بسم الله الرحمن الرحيم[/align]
بعد التحية والسلام للجميع هذي اول مشاركه لي في هذا المنتدى وحبيت تكون بقصيده وأتشرف بالرد عليها بالاطراء
أو بالانتقاد لاني اعتبره وسام على صدري من اي شخص سواء كان شاعر او متذوق او مهما يكون
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من حبٍ في قلبي ماطيقه = مثل اللغم مدفون في داخلي صار
مير السبب ذيك الغزال الرشيقه = الي لها فالقلب حشمه ومقدار
ماكنها ألا زهرةٍ في حديقه = جمالها غطى على كل الازهار
كل العسل والعافيه في رحيقه = حتى النحل من بعدها عاف الاشجار
حتى القمر لاشافها في طريقه = يعكس مساره عن مداره للانظار
يخسف بحينه ثم يخفي بريقه = سوات ذاك اليوم من تسعه اذار
يازينها يازينها من رفيقه = عزالله ان الحب سهمه ماينهار
ان كان تبعد عن حياتي دقيقه = اشوفها عندي ثلاثين مليار
تعالو نحسبها بحسبه دقيقه = مليار واحد جنبها تسعة اصفار
ياهل الحساب الحلق ينشف بريقه = مماتشوف العين كل العَقل طار
مير اسمعي مني عتب ياصديقه = ترا العتب مابيننا مثل الاشوار
الحب في قلبي مولع حريقه = هذي حريقه نارها تحرق النار
ياخي تفضل قول كل الحقيقه = لاتحسبني ماتِقبل للاعذار
وش حيلتي فالي مقاطع عشيقه = كاني مثل منتج حليبات الابقار
ماعاد يبغونه جميع الخليقه = مدام جاهم من ملاعين كفار
وانا ترا مسلم وروحي غريقه = في بحر موجه يصفق يمين ويسار
يابنت والله لي مشاعر رقيقه = هجرك يوديني على طول لشهار
ياصوتها الي مثل نوتة موسيقه = على مقام الكرد لجن الاوتار
لاتحرميني دام نفسي عليقه = في روحك الي دمعها مثل الامطار
هذي حقيقه والحقيقه حقيقه = من حبها قلبي معه صك الاعسار[/poem]وسلامتكم
رد مع اقتباس
