ليلة خميس ... [ وينك يبه ماجيت تاخذني البيت ]

[جواهر عبدالله]

[img]http://mohra2554.********************************************/mt2.gif[/img]

ليلة خميس رائعة بروعة حضوركم .. ومشاركاتكم .. وسهرة جديدة مع [ لوحة بريشة شاعر ] .. ومع إبداعاتكم ..



صورة تنكسر لها القلوب .. وتدمع لها الأعين .. صورة تحكي عن نفسها .. أبدع شعراء غرابيل في هذه اللوحة وتفننوا بتلوينها .. كلُُ بريشته الخاصة .. وبنزفه الرائع ..



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يـا بنـت لا تبكيـن كـفـي الدمـوعـي=يانعنبـو دمــع البـنـات الصغـيـرات
لـو كـان قلبـك يرتقـل فـي الظلوعـي=على الذي هالحين مـن ضمـن الامـوات
ادري بـأن المـوت صـعـب ويـروعـي=وادري بـأنـك فـاقـده غـالـيٍ مــات
تكفيـن قولـي لـي ليـا قلـت طوعـي=بأمـش دمعاتـك علـى فـايـتٍ فــات [/poem]

[ الشاعر / ناصر مطلق البقمي ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
الغالي اللي بوسـط القبـر تبكينـه-الله عسـاه بجنـان الخلـد منزالـه
أدري عجزتي ورب البيت تنسينـه=واكبر دليـلٍ وجـودك دايـم قبالـه
أكبر جروحي بدمع العيـن تحيينـه=وأصغر جروحي بشوفك ينتكس حاله [/poem]

[ الشاعرة / الدندونة ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
الله يرحمنا اذا صرنا لِـما صاروا إاليه=تحت الوطا وسط القبور خليّ ماغير العمل
الموت كلن ذايقه مار البـلا مـاذا يليـه؟=ياويل حالي ان مارحمني ربي بحسن الامل
وفرت دمعي ابكي نفسي دام لي دمعن أليه=وعسى الفرح في جنة الفردوس يلتم الشمل [/poem]

[ الشاعر / محمد بن ضاوي ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
وينك يبه ماجيت تاخذني البيت=ماهيب عاده يايبه ماتجيني
أنادي بصوتي ولا كنّك أوحيت=ليتك تشوف اللي ضمرت بكنيني
تبقى معي حيٍ ولو واقعك ميْت=لنّك مثل روحي وقلبي وعيني [/poem]

[ الشاعر / راكان محمد ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يازمان الصمت جاوب صرختي=قل لابوي اني على قبره بكيـت
من رحل عني جفتنـي فرحتـي=انطفت شمعة حياتي وانطفيـت
عند عمانـي يتيـم وعبرتـي=فوق خدي من سمعني لو شكيت
ضاقت الدنيا أثقلتنـي شنطتـي=جيت خايف عند قبرك وارتميت [/poem]

[ الشاعر / ناصر القزلان ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يمه ..يا يمه ..لييييييه ماتسمعيني=طفلك يتيم ومـن عذابـه يناديـك
يمه ..يايمه ..يم ..قبرك خذينـي=والا تعالي يمنـا قبـل مااجيـك
أرجوك أنا أرجوك بس احضنيني=تعبااااان وابغى ارتاح مابين اياديك
مالي أحد والناس محـدن يبينـي=من ظلمهم أبكي ولاقيل وش فيـك [/poem]

[ الشاعر / فايز بن ماجد ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يالله ياجابر عزى كـل مسكيـن=ترعى يتيمن روعه جور الايـام
يبكي ابوه وخافقه فيه سكين=مطعون من وقته وتايه ومنضام
والوقت شين ولايفيد القريبيـن=محدن درى عن مايعانيه الايتام [/poem]

[ الشاعرة / بنت الأمراء ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يايمه قومي يايمه دخيلك قومي شوفيني=تركت المدرسة لأجلك أحبك والله يايمه
يايمه ودّي أضمك يايمه قومي دفيني=يايمه ليه ماتردي يايمه ودي بضمه
أببكي لين ماتقومي يايمه قومي مافيني=أنا مافيني أتحمل فراقك زاد بي همه
يايمه كل هالعالم دونك مايكفيني=يكفيني يايمه لو حجر قبرك تبعثر جيته ألمه ! [/poem]

[ الشاعر / محمد السُلمي ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
دفـاتــري ماتنسـيّـنـي حـنــان أمّـــي=أشـم ريحـة غـلاهـا داخــل أقـلامـي
من شوقهاجيت أضـم القبـر ياعمّـي=والدمـع غـرّق عليهاشنطةأحـلامـي
مسحت دمعة عيوني في طرف كمّي=لاكن من اللي يونّس وحشـة أيامـي [/poem]

[ الشاعر / سعد الجميلي ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يا الآدمي لو تعتبر من ساكنين المقبـرة=تصغر بعينك دنيتك / يصبح هدفك الآخرة
نعيش بالدنيا ومهما طولت ما أقصـره=أيامنا تمضي بنـا كأننـا فـي باخـرة
الموت يأتي فجـأة ولا تحـدد أشهـره=يمكن محرم أو صفر يمكن رببع الآخرة [/poem]

[ الشاعر / فهد محزم ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
صوره تهز النفس والقلب تدميه=صورة طفل بالمقبره فيه علـه
قاعد على قبراً قبالـه ويبكيـه=بالله ياللـي تعرفـه روح قلـه
الموت حق وشخصك اللى تباريه=مايرجعه لو تنثـر الدمـع كلـه [/poem]

[ الشاعر / هاني محمد السلوم ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
يايمه اصحي ساعة واسمعيني=لاتتركيني تايهه ماعرف الناس
ضاعت على قبرك بقايا سنيني=جيتك طفولة يتم مملوكة الياس
وين الحضين اللي زمان يحويني=حضن الامومه كله كلها عطف واحساس
ياقبر ليه اتحول بينه وبيني=يكفي يتيمه واشرب الضيم في كاس [/poem]

[ الشاعر / نشمي مقعد العتيبي ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
طلعت من باب مدرستي وانا فاكر=يابوي انك مثل ما اعتدت ناطرنـــــي
وتذكر البال شي(ن)كان له ناكر=واستوعب العقل شي(ن) منك حارمني
وجيتك عيوني تناظر قبرك الحاكر=ما قدر اشوفك ولا تقدر تناظرنــــــي
في جنب قبرك غمرني جوي العاكر=ودموع عيني من الحسره تداهمنــــي [/poem]

[ الشاعرة / ســـهـــر ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
ياصـمـت دام الـصـوت مايلـحـق الفـوت = أنا أبوجهك تلحق أفوات همي
بعضي يعـزي بعضي بصمت وسكـوت = ألين ماضاقت أعـروقي بدمي
ياربي والـدمـوع شمـوع هـماله = من اللي بعـد موته صرت أنا أشكي له
وضعـته بالقـبـر والقـلـب يـبـراله = وروحـي يـوم تـمـشـي بـه تـبـاري لــه[/poem]

[ الشاعر / منصور الرويلي ]



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black"]
ذكراك في بالـي ابـد ماتزولـي=حتى لو ظروف الحياه منعتنـي
يوم المدامع اوشكت للهطولـي=جيتك حزينه والدموع اغرقتني
حزني بعد فرقاك غيـر فصولـي=كن المحازن فالزمـان اقنعتنـي [/poem]

[ الشاعر / عبد المجيد سعد ]



وللجميع أطيب التحايا .

[محمد بن ضاوي]

جواهر عبدالله,,,


مشكوره على هالجهد الرائع اللي اتمنى انو ماينقطع

ومن أفضل إلى الأفضل


ولا أنسى أقول لكل المشاركين صحت ألسنتكم على ما أبدعتوا

[فايز آل بذال]

الله يعطيك الف عافيه يا جواهر


والله دائماً معك ومع مواضيعك المميزه احلى ويك إند


درر من شعراء نفخر بوجودهم بيننا


والجميع ابدع والله في وصفه وسبكه


تحيه للجميه وصحت السنتهم جميعاً

[محمد الروقي]

سلمتي جواهر

وسلم كل من شارك


وقصيدتين فوق الابداع تحياتي

[محمد فهد السمران]

[align=center]جواهر العبدالله

جهد تشكرين عليــه...

وشكراً للشعراء على قصايدهم الجميله..


للجميع التحيه..[/align]

[مهدي بن مسفر الحبابي]

الاخت الرايعه والراقيه جواهر عبدالله

الله يعطيك العافيه
و
تسلمين على المواضيع الرايعه والشيقه والهادفه والتي تثري

القسم بطرحها وتقديم المشاركات الرايعه والمتمثله في ما قدم من

باقات ورود واحاسيس راقيه ومعبره عن موضوع قوي ومثير

صح الله السن الشعراء والشاعرات الذي امتعونا بروايعهم الغير مستغربه

صوره لها واقعها على نفسي وقد شاهدتها في توقيع أخي الغالي ابو عبد الرحمن

وتناقشت انا وبعض الاخوان في هذه الصوره ومن من تمت مناقشته في هذه الصوره

الشاعرين الراقين سعد الحويماني وسعد المسعودي يشهد الله انني من شاهدت هذه

الصوره وهي تحز في نفسي من حيث المشهد المؤثر بحق

لك اختي وللجميع فااائق احترامي وتقديري

[حنين نجد]

[align=center]جواهـــــــــر


سلمتي أبيات رائعه وكتابها أروووووووع


تسلمين على مجهووووووودك



لاهنتي يالغاليه


تحياااااااااتي[/align]

[بـنـت الـشـيـوخ]

الله يرحمنا اذا صرنا لِمـا صـاروا إاليـه
تحت الوطا وسط القبور خليّ ماغير العمل
الموت كلن ذايقه مار البـلا مـاذا يليـه؟
ياويل حالي ان مارحمني ربي بحسن الامل
وفرت دمعي ابكي نفسي دام لي دمعن أليه
وعسى الفرح في جنة الفردوس يلتم الشمل



[ الشاعر / محمد بن ضاوي ]

,
,
, اللهـــــــــــــــــــم آمين

صح لسااااااااااااااااااااااا اانكـ يابن ضاوي



ويعطيكـــــــــــم العافيه جميع

والله ابدعتوا ,, قصائد ولااروع



,,,

يعطيكـ العافيه جواهر
ولاهنتي يالغلا

[سحمي القرني]

الله
الله
الله

صورة
مؤلمة
حقاً

ربي يعين الجميع
ويرحم موتانا جميع

أكتفي بقول
لا تعليق

وحيدالليل

[ليــن القســا]

تصاوير رائعة ...لصورة بالفعل مؤثرة ...
بارك الله فيمن شارك بنثر رؤيته ...
شاكرة لك هذا الجهد أخية ...

[علي عبدالرحمن الأسمري]

الله يعطيك العافية
واعتذر يااخت جواهر على عدم المشاركة
لضيق وقتي

وصحت قلوب الشعار

دمتم بخير

[نياف العتيبي]

هلابك ياجواهر


جهد مميز يستحق المتابعه والثناء


ويسلمون الشعراء والشاعرات


الناااااايف

[أبوعبدالرحمن]

صحت قلوب وألسنة الشعراء والشاعرات


وتفاعل كبير مع صورة لم أستطع ان عبر عنها شعراً


حفظتها امامي في التوقيع لأكتب عنها ولم استطع


الله يعطيك العافية ياجواهر

وماقصرتي اختي

[مشاعر حالمه]

^

^

ياقلبي قلباااااه

قسم بالله من يوم شفت الصورة في توقيع ابو عبدالرحمن والكلمات اللي كتبها اخوي محمد السلمي وانا متأثره جدااااااا

( والله بكيت منها )

صحت السنتكم يالشعّار ويالشاعرات ولاهنتم

جزلين جزلين وعذبين وجزلاااااااااات وعذباااااات ^________^

تحيتي لكم

وتحية كبرررر الشرقية والسعودية كلها لج ياجواهر عبدالله ...ياذووووق

سلامي عليكم / مشاعر _ عزوة ابوها

[عبد الرحمن مازن العطاوي]

[align=center].
.


عزالله ابدعتي


وشعرائنا ماقصروا ياجواهر


جواهر .. من جواهر وأقلام الشعراء




تحيتي لك

.
.[/align]