[poem=font="Simplified Arabic,4,black,normal,normal" bkcolor="transparent" bkimage="backgrounds/40.gif" border="double,4,gray" type=2 line=1 align=center use=ex num="0,black"]
كان الشجاع اول اذا فات له شان = صدر المجالس ينبرح له على الدوم
والحين للشجعان مافيه ميدان = ما عاد تفرق من طلع نمر او بوم
سادت مقاييسن على الدوم تنهان = صار القياس فلوس عمران وهدوم
ويضم مقياس الغبا بعض الاحيان = شاعر ولا يشعر على الذل مفطوم
اللي يذل النفس ويحب الامتان = يمدح ويخدم لو طلب صار مخدوم
انسان يا كيف انحنى انسان لانسان = مايشيلها الا الذي حطها بيوم
المدح عمر المدح ما خلف اعيان = خل الفعل يمدح ولو كان مدموم
ازريت اعاين فكر في بعض الاديان = نيه غريبه والخفا شي مسموم
بعض البشر قلبه يراوالي بستان = وافعاله الزينه تراوالي غيوم
والبعض الآخر للردى صار نيشان = قلبن ظلام وعزته شي معدوم
وكلن بعقله راضين زان او شان = والله يعيق الظرف في ذل العلوم[/poem]