مساءكم ورد
في ليلة رمضانية جميلة
وفي أمسية لا تحمل إلاً الصدق
( أبوعبد الرحمن)
ܓܨܓ وأمسية طال انتظارهـاܓܨܓ
,, سعد العتيبي ,,
يصافحكم هذاالمساء
سنبحر مع الحرف والكلمة
مع الشخصية الودود
مع ابو عبد الرحمن ( الإنسان )
قبل أن يكون ( الشاعر )
روحه العذبة
ترفرف في زوايا غرابيل
وقلبــه
ينبض حباً لكل عضو
قبل أن يكون مشرف
أو مراقب
او إدراي
روحه المرحة
ترسم الإبتسامة على شفاهنا
في اقسي الأوقات وأحلك الظروف,,
هو كالمطر
ينثر الجمال أينما حضر
أب للجميع بمكانته واحتوائه
أما الشعر فله قصة اخرى...
قصائدة
زجاجة عطر منسكب
تستهوينا بعبقها الأخاذ
وكلماته
يغضي معها الورد طرفه خجلاً
فمن الفكرة المستحيلة ,,,الى الحب مهو مزح ,,,
وصمتك ازعجني ,,,ومع فصول العشق
الى لبيه ياصوت عشقت استماعه ,,,
في جو شعري هاديء
ينسج لنا كلماته
نستهل رحلتنا بأبيات انتقيتها من بعض قصائده :
[poem=font="simplified Arabic,5,red,normal,normal" Bkcolor="white" Bkimage="backgrounds/28.gif" Border="outset,7,red" Type=0 Line=0 Align=center Use=ex Num="0,black"]
تاريخ حبـي فـي يـدك أرخيّنـي= وأبدي من أول عام خمسة وعشرين[/poem]
[poem=font="simplified Arabic,5,red,normal,normal" Bkcolor="white" Bkimage="backgrounds/22.gif" Border="outset,8,red" Type=0 Line=0 Align=center Use=ex Num="0,black"]
خذيني جـرح مـا يرحـم مناديلـك ودمعاتـك=وعطيني عهد ما اشوفك بعد ما اودعك هالحين[/poem]
[poem=font="simplified Arabic,5,red,normal,normal" Bkcolor="white" Bkimage="backgrounds/28.gif" Border="outset,7,red" Type=0 Line=0 Align=center Use=ex Num="0,black"]
(خريفك) مع (ربيعك) مع (شتاء قلبك) مع( حرّه)=( فصول العشق ) تاخذني كذا من ( زحمة الأيام )[/poem]
[poem=font="simplified Arabic,5,red,normal,normal" Bkcolor="white" Bkimage="backgrounds/22.gif" Border="outset,8,red" Type=0 Line=0 Align=center Use=ex Num="0,black"]
الحـب مـا هـو مــزح والا ألعـوبـه=والا يجـي فـي القلـب دون أسبـابـي[/poem]
[poem=font="Simplified Arabic,5,red,normal,normal" bkcolor="white" bkimage="backgrounds/22.gif" border="outset,8,red" type=0 line=0 align=center use=ex num="0,black"]
توقعت البشر تكذب وأقول الصدق فِشفاتك=وصار الصدق في غيرك وصرتي أكذب الغاليين[/poem]
****
نستهل ر حلتنا بأبيات منتقاه من
قصيدة تأخذنا الى عالم الدهشة والغموض
عالم ساحر ساحر
ينبوع عذب رقراق..
لمثل كلماته نشتاق ..
**
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
توّي عرفت ان المفـارق هزيمـه=من يوم شدّت عن عيوني ظعونـك
وان العمر في غيبتـك دون قيمـه=وانّي بقايا انسـان تايـه بدونـك
وان الليالـي والمشاعـر سقيمـه=من يوم غابت عن سماها مزونـك
لو كان للتذكـار والشـوق شيمـه=ماكنت واقف أنتظر منـك عونـك
ياللي وصوفك في العذارى عديمـه=مالومهن لـو كلهـن يحسدونـك
أنتي على هالزين عنـدي يتيمـه=ما فيه مثلك في وصوفـك ولونـك
يا اللي عيونك في عطاها كريمـه=كل الضلوع تقول : ( لبى عيونك )
[/poem]
الفكرة المستحيلة //
قصيدة قرأتها مراراًوتكراراً
ولم أملً من تأمل هذا الودق ,,,
الذي ينفث الضوء من جنباته ..
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
تدرين وش هي الفكرة المستحيلـه ؟=إني أفكّر بـس فـي لحظـة انسـاك
قـد قالـوا العاشـق خفوقـه دليلـه=وأنا خفوقي طاح فـي كـف يمنـاك
وإن كـان قربـك يستفـز القبيلـه=ما همني لو تزعل الخلـق لرضـاك
يا الفاتنة .. يا الناعمة .. يا الجميله=أنا وقلبـي مـع عيونـي ضحايـاك
يا الغالية .. يا العالية .. يا الكحيلـه=لا تعذلين الشعر لا قال مـا اغـلاك
يا الملهمة.. يا المبهمة.. يا الجليلـة=الله يعيـن اللـي يـعـدد مـزايـاك
فيك الحسن مـا فيـه شـئٍ مثيلـه=يصعب على العالـم يلاقـي حلايـاك
[/poem]
*
ارهاصات نتلذذ بها
فكر عميق
واحساس رقيق
واخلاص لا مثيل له
المحبوبة فقط ,,تملك القلب ,, والمشاعر ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
صعبـه أحـبـك واتــرك المحبـوبـه=وصعبـه أبـدّل فـي الغـرام أحبـابـي
الـلـي يـبـدّل كــل يــومٍ ثـوبـه=يصبـح عليـه الصـبـح دون ثيـابـي
ولا تحسبين الحب (( نسـج اكذوبـه ))=مانـيـب أحــب الخـايـن الكـذّابـي
الحـب مـا هـو مــزح والا ألعـوبـه=والا يجـي فـي القلـب دون أسبـابـي
واللي سأل صنـع الغـلا وش هـو بـه=أقـول لــه هــو قــدرة الوهّـابـي
وإن كـان شفـتـي دنيـتـك مقلـوبـه=شوفـي سمـاي اليـوم فـوق تـرابـي
[/poem]
*
فلسفة خاصة ,,
ورؤية عميقة للحياة
تجارب الحياة تهدينا دروس ,,
ومن شاعرنا نتعلم ,,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
الموت ما هو طعنة من قاصي=الموت لا جت طعنتك من غالي
اللي عطيته كل ما يحلم به=يشهد على طيبي وطيب أفعالي
إنّه ولا مرة طلبني حاجة =إلا وقلت أبشر وفالك فالي
أعطي ولا يلحق عطايّه منّة=لو هو طلبني واحد امن عيالي
اللي على وصله حفت رجليني=وإن ما لقيته يذكره جوالي
رفعت قدره في خفوقي لكن=أصبح كبير القوم من عذّالي
الله يسامح من لمزّني هرجه=ما رحت احسب اليوم وش سوالي
دنيا تدرّسنا وحنّا ندرس=والرابح اللي من ذنوبه خالي
[/poem]
*
ومسلسل الوفاء والأخلاص مازال مستمراً ,,
حب انسكب من الغيم
ليروي حبات الرمل عشقاً
ليتلون بألوان الربيع ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
والله ما غيرك عطيتـه حنينـي=والله ما قد مرّ في القلب ثنتيـن
امشي مع عطر النفس وأدخليني=والله ما اسأل وين يا الغالية وين
أنتي ولا غيرك هنـا صدقينـي=في قلبي اللي ينتعش يوم تلفيـن
والروح لو بتغار من نون عيني=ما ألومها لأني بعد أحسد العيـن
[/poem]
*
قصيدة صاغها بثقة كبيرة بالنفس ,
,تحمل الكثير من الأحاسيس المنسكبة ,,
أحاسيس جميلة و قلمـ فاخر ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
صحيح عندي فـي القصايـد براعـه=كن بدونك ما أقـدر أصيـغ الأبيـات
وصحيح عنـدي للمصاعـب مناعـه=لكن أخاف أضيـع وسـط المتاهـات
وقلبي أخاف الوقـت يلـوي ذراعـه=ويموت حبك في الشراييـن بسكـات
لا صرتي أنتي فـي حياتـه متاعـه=معذور في غيابـك وبعـدك إذا مـات
آخر لقـا كـنّ المشاعـر جماعـه=تجمّعت من بعـد مـا كانـت شتـات
والكون كلـه رغـم كبـر اتساعـه=ما فيه ألا أنتي مـلا العيـن بالـذات
ضميت حسنـك يـوم بيّـن شراعـه=وعوّضت معك اللي مضى قبل بإنصات
ولو تسألين القلـب قـال بشجاعـه=وقتي معك غطّى على كـل الأوقـات
[/poem]
*
لغة عميقة ,,
قصيدة قرأتها بدون شبع ,,
كلمات كالهتان ,,
تحكيها تلك العيون ..
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
على طاري عيونك لو سمحتـي فسّـري المجهـول=عيونـك ليـه تبحـر بـي وتبعدنـي عـن افكـاري
عيونـك اقسـم بربـي تشـرّد عالمـي المـأهـول=وتاخذنـي بعيـد هنـاك عـن ربعـي وعـن داري
أنا لو كنت ابيع ( اللول ) وادري نظرتك لي ( لول )=لصير لنظـرة عيونـك انـا البايـع وانـا الشـاري
تداري داخل عيوني عسـى عيـن الحسـود تـزول=انا مـن يـوم مـا شفتـك وانـا داخلـك متـداري
أخاف إن البشر تفنى ,, وإذا ماتـوا مـن المسـؤول=يقولون المـرض يمكـن ,, واقـول إلا وانـا داري
أنـا داري ذبحتيهـم بهمسـة حكـيـك المعـسـول=ولو يدري بك القاضي ,, حكم لـك سجـنٍ اجبـاري
أنـا وأنتـي تناسبنـا قضيـة ( قاتـل ومقـتـول )=قتيلٍ ما اعرفوا موتـه ,, رغـم إن البحـث جـاري
[/poem]
*
خبرة ,,ودروس ,,
وحكمة ,, وفكر واع ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
المجتمـع هـذا يبـي لـه محنّـك=عاقل مع العقّال خبـلٍ مـع الخبـل
شد الحبل إذا ارتخـي الحبـل منّـك=ولا بد لا اشتد الحبل ترخـي الحبـل
وإذا تخالف شـوف عينـك وظنّـك=خلك نبيـل ولا تعـدى علـى النبـل
ما هوب لازم تنشـد النـاس عنّـك=في موجز الأخبار مع ( ماجد الشبل )
ولا بد ما تعمـل علـى قـد سنّـك=لا تندفع خلـف المجانيـن والهبـل
لا لا تعجـل فـي خطاويـك كـنّـك=مطرود فـي دمٍّ تقطـع بـه السبـل
خلـك مبنّـك لـو منتـب مبـنّـك=رزقك على اللي منشي المزن والوبل
ولا لا تحـرى مـن عـدوك يحنّـك=النذل مذكـوره سوابقـه مـن قبـل
وخل التواضع يا ابن الأجـواد فنّـك=ولا يجذبك من يقرع الـدف والطبـل
وكان الليالي من قساهـن عطنّـك=اصبر عساهن بأجمل ظروفهن حبـل
والمجتمع دامـه يبـي لـه محنّـك=اعقل مع العقال واضحك مع الخبـل
[/poem]
*
كلمات قاسية ,,
حينما تزاح الاقنعة
وتظهر الحقيقة //لاشيء سوى الحقيقة ,,
نصدم بالواقع
ويظهر لنا زيف الوجوه ,,
وقفة مع رائعة ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
أحبك مـن زمـانٍ فـات لكـنّ الزمـن فاتـك=ومات الحب في قلبٍ على درب الهوى مسكيـن
وزان الوقت في فرقاك ,, حانت لحظة سكاتـك=وأنا ما عاد أتحمل زمانٍ فـي وجـودك شيـن
هدمتي حبنـا بيديـك مـن كذبـك وغلطاتـك=هدمتي الحب في لحظة مثل فعل المطر بالطيـن
عطيتك من دروس العشق نبضة فـي بداياتـك=عطيتك كل نبضاتي ولا كنـت اعتبرهـا ديـن
توقعت البشر تكذب وأقـول الصـدق فِشفاتـك=وصار الصدق في غيرك وصرتي أكذب الغاليين
وإذا كنتـي تشوفينـي أمـوت بكثـر طعناتـك=تعالي ,, هي شجار التين تسأل عن سقوط التين
تبين اليوم اجمع لك زهـور الحـب وشتاتـك=هبوب القلب لزهورك ترى عكس الذي تبغيـن
وإذا كانت ثـلاث ايـام هـي سبـة معاناتـك=أجل شوفي معاناتي مـع حبـك ثـلاث سنيـن
[/poem]
*
همس يعانق الألمـ,,سكينة ووجع ,,
هكذا هي القلوب الشفافة المرهفة ,
,يتعبها ويسعدها الحب في آن معاً ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
يا ليل خبّر حبيبي مـا جـرى ليّـه=تعبت والله تعبت .. وزادت أشواقي
زودٍ على جرح قلبي ما بقـى فيّـه=ضلعٍ يقاوم لهيـبٍ ينـوي إحراقـي
الناس تخطي وأنا اللي طيـب النيّـه=وما قصّر الخل يسلم ,, كمّل الباقـي
سمعت بأن القلوب الخضـر مبليّـه=والله بلاني وضاعـت كـل آفاقـي
يا دولةٍ في حقـوق الحـب نازيّـه=ما أبي من الأرض ألا الحبر وأرواقي
أوراقي اللـي كتبـت اليـوم بيديّـه=تبعثرت والسبب من سيـد عشّاقـي [/poem]
*
(( الفراق ))
يوجع قلوب المحبين ,,
فحافة الانتظار باردة جداً ؛
تصيبنا برجفةٍ بين كل ثانية
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
أفارقـك يوميـن عـن تسعـة شهـور=وأقابلـك وأنسـى همـوم المشـاويـر
من قبل ريقك ضعت في عيونـك الحـور=مـا كنّـي إلا طحـت فـي غبـة البيـر
والوجـه مـا يحتـاج فـنـان ديـكـور=مرسـوم خلقـة بالـدلـع والتعابـيـر
والجرح يشفى بـدون وصفـات دكتـور=بيديـنـك إلا مــا عليـهـا مناكـيـر
لو بتشكي زينك علـى ( بـوش ) بيثـور=من دهشته يشكي على ( تونـي بليـر )
مدري أنا غيـرك علـى ويـش مغـرور=دامك خذيـت اللـي يفاخـر بـه الغيـر
ما عاد تنفعنـي إلـى قلـت لـي شـور=لا قولتي ( لكـن ) ولا قولتـي ( ميـر )
أنـا تحـت أمـرك ولانــي بمـعـذور=أمـرك مجـاب ولا يبـي الأمـر تأخيـر
( بونجور) يا اللي أحب صورتك ( بونجور)=بأغلب لغـات الكـون أصبّحـك بالخيـر
[/poem]
*
قصيدة تاخذنا لعالم الحب الجميل
حين ياتي فارس الأحلام مختالاً على جواده الأبيض
ويخطف الحبيبة لعالم ساحر ,,
عالم زاخر بأقاصيص الحب والغرام ..
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
كل المشاعـر لا حضرتـي مـا تجيـب إلا الغـزل=وكنّ القوافـي لا ذكرتـك كلهـا عنـدي يسيـره
أنتي لي الشعر القوي وانتي مـن اسبـاب الجـزل=وبيت الشعر في وصف حسنك حطّم أرقـامٍ كثيـره
يا أم العيـون الشاعريـة والشعـر فيـك انغـزل=عيني بصيره يا العيـون السـود ويدينـي قصيـره
قولي أبي هذا,, وشوفي عاشقك عنـده هـزل..؟!=لو تطلبين الروح مني قلـت لـك هـذي صغيـره
قبلـك أنـا مـا كنّـي إلا عايـشٍ فـي منـعـزل=ومن بعد حبك يا غناتي صـرت بلحالـي عشيـره
لو كان شافك ( عنتره ) عن حب ( عبله ) اعتـزل=وما كان به أحـد سـواك إليـا حكيتـي يستثيـره
هذا لساني قـد نهيتـه ,, وإن ذكـر طاريـك زل=يذكر حروف اسمك ,, وأنا ما ودي إنه جاب سيـره
لو جيت أصنّـف حالتـي ويـاك فـي حـب الأزل=بلا منازع يا حياتي ,, ( حبنـا مـا فيـه غيـره )
[/poem]
*
(( الأقصى))
جرح يثعب دماً
فجادت قريحة ابو عبدالرحمن بهذه الكلمات ,,
[poem=font="simplified Arabic,5,white,normal,normal" Bkcolor="sienna" Bkimage="backgrounds/28.gif" Border="ridge,4,firebrick" Type=1 Line=0 Align=center Use=sp Num="0,black"]
قالــوا سياسي قلــت ماني سياسي=اكتب قصيــدٍ راقـــيٍ في معانيــه
اسهر إلى من جــاء وقـــت النعاسِ=واشيــل لي طرقٍ لحالــي واغنيــه
ويهزني ( الاقصى ) وأنا حيـل راسي=وأبكي على طفـــلٍ يتيــمٍ بكى فيه
أمـــوت لا شفت اليهـــود النجاسِ= ينفــون شعبٍ آمـــنٍ في اراضيــه
ليــه اليهود يوزعــون الامــاسي= وام الشهيد تموت من حزنها ليــه************ ؟
يمــوت ( كلب) ويرفعـون التماسِ=ويمـوت (شعب) ولا أحد سائـــل فيه !!!
سجـّـل لنا التاريــخ كـل المـآسي= جرايــمٍ مااظــن مـــرت بماضيــه!
يلعب بنا ( شارون ) لعب الكـراسي=ونرضى بواقعنــا على حطــة يديه !!
ما بين متخــاذل ومــا بين ناسي=ينهـان ماضينا ويــزداد تشويــه
مــا دام خلينا المكان الريـاسي=واللي سلبنا حقنا نقول له( بيه) !!
[/poem]
*
ختاماً
تحية غير منتهية لإنسان يستحق منا كل الح ــب ,,,
** باقة من الشكر للأخ / مبارك على التصميم الجميل ...
دوموا بخير ,,جميعاً ,,