: الصديق :
"
"
"
راكب الطرطوس محزوم الخصر ،
خذ كتابي و وصله للعارفين ،
بَدهم .. ذكر الولي رب البشر ،
ثم وسلم .. ولك بَعَد ذا كلمتين ،
.
.
.
يا فهيم ٍ زاهد ٍ قدر وفكر ،
بك ولك كل المودة يا فطين ،
ما يهاب اللي مشى درب الخطر ،
خجت امه ما يهاب الا الوهين ،
ويا حريب القوم ظهرك منكسر !!؟؟!!
لعنبو غدر ٍ يهد الشامخين ،
شفت هاك اللي يزم أحلى الزهر ؟؟
أنزوا مثل الغراب ،..، هو فيه دين ؟؟
.
.
.
أأأأهـ يا وجدي على منهو خطر ،
وسط قلبي وطقت عروق الجبين ،
لا قبلت .. واشيب عيني با حتضر ،
ولا ادبرت .. واشيب حال ٍ با يبين ،
صلف قيعانه بها مسك انهمر ،
وفي الملاقاء .. يؤ .. واشهوا الياسمين ،
عَلني فدوت حياته .. سِر .. جهر ،
والله إني حالف ٍ .. به م استهين ،
وأأأأهـ ظني لو م اسكت بنفجر ،
ولا انفجرت .. يؤ .. أحد الهاربين ! ،
فللصداقة بالحشى باني قصر ،
م التصافي ساسها ساس ٍ مكين ،
للصديق الصادق بجوفي مقر ،
ومنزلة في خافقي عالي وحصين ،
وللصديق أعطي ولو شوف النظر ،
ووهبه صافي وداد ٍ مستكين ،
الصديق إن غاب .. يبقى له ذكر ،
ولو حصل مكروه فحنا وافيين ،
يبشر بكاس ٍ بعيد ٍ م العكر ،
مِن ربينا أستقينا مخلصين ،
إن دخلت بمجلس وشفت القدر ،
واجب أفهم قول ناس ٍ مزكنين ،
ومن جليسي أخذ ادروس وعبر ،
واقتدي بالاخيار عراف وفطين ،
والصراحة أقولها خير ٍ وشر ،
لجلي أكره طبع ناس ٍ حاقدين ،
وأكره الواشي ولا اتبع له أثر ،
الخلا ، يا مال بقعاء يا اللسين ،
ومبتعد من ناقص ٍ عقلة شبر
ما يجيك الناقص الا بكل شين ،
وتطمر اضلوعي مع غمر ٍ طمر ،
فوق للعلياء .. أبو العقل الرزين ،
وما أحب أهل الخيانة والغدر ،
فيالله إنك ترجم اللي خائنين ،
وعيب أقابل الجمايل بالنكر ،
لطيَّب المعروف ومثله .. حافظين ،
نيتي تهوى الصفى ، والله أمر ،
بالتصافي بين كل المسلمين ،
بسألك يا هالزمن عطني خبر ،
البشر من صفوهم ليه نازحين ،
تمضي الأيام وايطوف العمر ،
وما حد ٍ يضمن حياته والسنين ،
وتنتهي الأرواح لا جاها القدر ،
وتندفن الأجساد في حفرة وطين ،
المنايا تالية كل البشر ،
سنة الخالق على الخلق أجمعين ،
البخت للي توعظ واعتبر ،
وأغتنم دنياه بالفعل الحسين ،
يا الله إنك تعلم بخاف ِ الصدر ،
وأسألك يا الله تلطف بي وتعين ،
وأطلبك كل الرضى وكل الستر ،
يا جليل الملك رب العالمين ،
بكتفي باللي ذكرته في الشعر ،
الكامل الله ياعرب ما هو حسين ،
وإن حصل مني قصور ٍ أعتذر ،
وعلكم باللي عنيته مدركين ،
بالصديق اعتز واسعد وافتخر ،
ومن يبيع الصدق حنا مشترين ،
وسلامتكم
أخوكم ،
حسن بن سعيد القحطاني ،
* ملاحظة : من قديمي تجدد كليا ً ..
رد مع اقتباس
[/align]
المشاركة الأصلية كتبت بواسطة ابو العتاهيه
