[poem=font="Simplified Arabic,5,white,bold,normal" bkcolor="firebrick" bkimage="" border="double,10,red" type=0 line=0 align=center use=ex num="0,black"]
رجـم الهـوى اللـي لـعـن كـوثـر جماهـيـره = عـــز الله أنّـــه مايسـتـاهـل تـعــب سـاقــي
أتعـبـتـهـا فـــــي مـراقــيــه ومـشــاويــره = ذي جـرتـي نــازل وذي جـرتــي راقـــي
لبـيـه يــا ســاره ولبـيـه يــا منـيـره = في مهبل الناس مـدري ويـش أنـا لاقـي
صــدر الشمـالـي علـيـهـن فـــك أزاريـــره = الـلــي مـــن آدم وحـــوّا مـابـعـد ضــاقــي
جــن المديـنـه عـلـى غفـلـه مـــن الـديــره = وتــورّطــن بالـرومـنـسـيّـه والأشــواقـــي
مـايـكـتـبــنّ أسـامــيــهــن بـالـطـبـاشـيــره = بيعلـمـنّـك عـــن الـمـوضـه والأذواقـــي
وجـيـهـهـن طـالـعــات مــــن الـكـوافـيــره = مـن كثـر الألـوان كنْـهـا سبـحـة عـراقـي
مـافـيــه داعــــي أجـامـلـهــن بـتـكـشـيـره = وأقــول مشـتـاق لــو مانـيـب مشـتـاقـي
ماهن بكفـو السهـر والحـزن والغيـره = ودموعي وشعري الموزون وأوراقي
كرت أحمر و باب طيّـاره و تسفيـره = فـي قلعـة الـوادريـن و بـألـف طقّـاقـي
الـهـنـدي او وايـتــه والـعــود وبـعـيــره = هـــذا مـــدوّر ذهــيــب وذاك ســوّاقــي
لـو مـا أنصفتـنـي سنـيـن العـمـر الآخـيـره = ماطبّـقـت عيـنـي أحـداقـي عـلـى أحـداقــي
قفـلـت سـيـرة عـلاقـات وبـــدت سـيــره = الـلــي علـيـهـا الـكــلام وهـقــوة الـهـاقــي
أبـرك ضيـوف الهـوى وأغلـى مساييـره = ريحـانـةٍ تـقـطـف اللهفـــه مـــن أعـمـاقـي
ماهيـب مـن قـوم ابـو دقّــه وتسكـيـره = مــن قــوم لاحاسـبـت ماتـاخـذ الـبـاقـي
لـهــا عــلــى الــزيــن تهـلـيـلـه وتـكـبـيـره = أنـعـم مــن الــورده الـلـي فــأوّل الـسـاقـي
مـهـيـب أمـيــره لكـنْـهـا جـنــب الآمــيــره = ذات الحسـب والنسـب والمستـوى الراقـي
مـن أغنيـاء الريـاض ومــن هوامـيـره= شـركـات أبـوهـا بضايعـهـا فـالأسـواقـي
يـومـي لـهـا الغـصـن وتـغـنّـي عصـافـيـره = والأمــــر يـنـقــاد لـرضــاهــا ويـنـسـاقــي
غـيـداءٍ سـهـم عينـهـا مـــن قـــوّ تـأثـيـره = مخـسـرٍ ســوق الأسـهـم عـنـد الإغـلاقــي
الـبــدي والهـيـكـل الـلــي مـاتـبـي غــيــره = أصطب و أستبنتين و قيـر علاقـي
مــازيّـــن أخــلاقـــي الــطـــب بـعـقـاقـيـره = لــــولا عـقـاقـيـرهـا مــازانـــت أخــلاقـــي
مــن قبلـهـا الـحـظ مــن جـفـره لـدحـديـره = لـيــن أوعـــزت لـلـزمـان وحـــرر وثـاقــي
وأعتضت عن قوم ابـو دقّـه وتسكيـره= بالـلـي لـيـا حـاسـبـت مـاتـاخـذ الـبـاقـي[/poem]
الشاعر المبدع مدغم ابو شيبه السبيعي
رد مع اقتباس
