اغنام - ابل - دواجن - طيور

'*




الناس تفرح بالهبيَب وانا انحاس
لانه يحرك علةِ محتويها ..

روحي تعذب كلما هب نسناس
تقول ماكن المحاني عليها ..

يزيد جرح القلب والقلب حساس
حتى نسانيس الهوى ما يبيها ..

ومن عادتي لادك فالصدر هوجاس
اشرد بنفسي في الخلا و احتديها

الناس و الدنيا منازل بلا ساس
ورحيلها وان طولت مقتفيها ..

ومن هي رصيد له تواليه لفلاس
وبيموت ما شاف الغنى من حديها

هذي هي الدنيا وهذي هي الناس
خسران من علق هقاويه فيهآ ..

غرارةِ فيها الرجا كنه الياس
حتى ولو جادت فمنها واِليها

اللي يلاقي وجهها الشين ينداس
و اللي يلاقي زينها يعتليها ..

كم من رفيعِ خلته يرخي الراس
و كم من وضيعِ خلته يعتليها ..

يشوف فيها العاقل اشكال وأجناس
ويزهد بها ويراقب اللي يليها ..

لا باس يا شكاية الوقت لا باس
عند المدبر دبرةِ نحتريها ..

.. و سلامتكم '

rwd]i