[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اسعد الله جميع اوقاتكم بالخير والمسرات
طعم الهوى...
أوّل وأنا أشْرَه..وأنْقُد اللّي يقولون=فلان مجنون الهوى في فلانه
واليوم من ينْقد ليا صرت مجنون=أثره كذا طعم الهوى في جنانه
لاتنشدون.. ولاتقولون وشلون=في حبّ من كلّ القصايد عشانه
هوْ بسّ يستاهل لحاله من الكون=انّه نظَر عيني..وقلبي مكانه
نصف الشَّهَر..ياخُذ معا طلّته لون=جذّاب..حلو..وسكّرَه في لسانه
كلّه غرام..وذوق..وأشواق..وفنون=لو� �ة جمال..وريشته من حنانه
وماهوب متفرّد على كل مزيون=ألاّ تعدّى الزين..زينه.. وزانه
مصيون عن هرج العواذيل مصيون=أدب..وطيْب..وفوق هذي رزانه
صوته وتر.. يعزف شجَن جرْح ولحون=على بعاده..ليل دانه..يادانه
مسا الدَّلع..والوِدّ..ياقلب مفتون=شرا رضاك..وباع باقي زمانه
حبّك..وخلاّ قاصي الناس يدرون=انّك غلا قلبٍ..رفَع فيك شانه
تكفى شويّ اشْويّ..بالهون بالهون=مادام لك في داخل العين خانه
وأنا بأحِبِّك..وأعْشَقِك موت بجنون=دامه كذا..طعم الهوى في جِنانه
وسلامتك
علي عبدالرحمن الاسمري[/poem]