هذي القصيدة معايدة للمنتدى الرائع الشاامخ...
أقول:
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حبل الغياب أرجوك أرخه ولا تشد=يللي خذيت بوسط قلبي محلّى
أرفق على شخصن من البعد منهد=على فؤادة هم بعدك تولّى
جالس يفكر بك يمينه على الخد=كل مالفى له زول رحب وهلّا
يحسبه زولك وأنت ماجيت له لد=زولك يعرفه بالفرايد تحلّى
ولا راح يومه حط رجواه فالغد=عل وعسى باكر تجي له لعلّا
دايم على باب الولي رافع اليد=يدعي بشوفك كل مامسى وصلى
للحين يعني ماكوا قلبك الصد؟=ولا نويت بجد عني تخلّى
لا ماعرفت لمزح قلبك من الجد=أول يبي حبي وذالحين ملّا
وأنا أتصالاتي كثر أغلط وعد=وتشوف رقمي بس نااوي تسلى
وحدة من الثنتين يوم انت ماترد=ينك تبي فرقاي ينك تغلى
كانك تبي فرقاي بأغيب وأصد=وكانك تغلى فأنت قدرك معلّى
لن التغلي والزعل نكهة الود=لامن زعل منك حبيبك وولّا
ترضيه لكن للتغلي يتعمد=يدري بقدره بالمحبه تعلّى
بس لا تمدى للتغلي ترى حد=قال المثل: أللي تغلى يخلى[/poem]
وكل عااام وأنتم بألف خير...........................................( (المعنّى))