السلام عليكم
أنقطاع طويل جداً عن هذه النخبه من اساتذة الشعر / ولي الشرف بوضع هذه القصيده المتواضعه
أمامكم علها تجد القبول من ذائقتكم
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماكل صاحب منصب ٍ ينتخابه=
ولاكل من جيته يبي يرفع الراس
ولاكل (صاحب هيبة ٍ) يعتزابه=
لوكان هرجه بالرخاء يقطع الياس
العلم /لامن كشر الوقت نابه=
وضاقت بك الدنيا ودورت قرناس
في شدة الموقف وعند اكترابه=
ماتروي الهرجه /والارياق يباس
مايروي إلا من ينوخ ركابه=
لاطق صدره / إنس همك والاتعاس
هذاك مايقفل عن الناس بابه=
يشيل قلب ٍ بالمخاليق حساس
مايعرف الاعذار للي لجابه=
هرجه قليل /وطيب العلم والساس
وبعض المواقف ماتحس بمصابه=
وبعض المواقف تطعنك طعن دواس
وبعض البشر مايعترف بالنسابه=
حتى ولو شافك مع الوقت تنداس
وبعض المراجل ماتهيا طلابه=
المرجله قول ٍ وفعل ٍ ونوماس
ولاشفت محتاج ٍ لك الوقت جابه=
لاتتركه والوقت يضرس به ضراس
وقلب الجريح اليوم حل العزا به=
قلب ٍ طعنه أقرب قريب ٍ من الناس
قلب ٍ يسولف مع حنين الربابه=
(لحن الصبر) ويقول لاباس لاباس[/poem]
مع تحياتي
ناصر الشعلان
رد مع اقتباس
