[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فيني من جروح وألم =شئ انثره شئ ألم
غيري فلا أحدٍ ألم =بالحزن وأسباب الدموع
الكل هالليلة شهد=اللي سمع واللي شهد
ما ذقت من بعدك شهد=ما غير أسامر هالدموع
يا ليت تجمعنا صُدف=أنتي ولا غيرك صدف
في القلب أغلِى من صَدف=يا درتّي كافي دموع
أهديتك أبياتي غلا=من بعد ما شوقي غلى
والحب سعره في غلا=ما يقبل أنصاف الدموع
ما أظن حبي لك وهم=ما دام أسارع لك وهم
ثلاثة أعدائي وهم : =شوقي وبعدك والدموع
تبكي على فرقاك عين=والدمع ينهى بحرف عين
بعدك لو إنه فرض عين=راحت حياتي في دموع
في وسط قلبي لك قَدر=الله قضى اليوم وقِدر
والقلب بعدك ما قِدر=يصبر على نزف الدموع
قلبي على حبك مضى=أنك سعادة ما مضى
وأنه على حبك مضى=لآخر نهايات الدموع
ما رفّ بعدك لي طَرف=ما دام لك فيني طَرف
واللي بيحكي لي طُرف=حرام لأقلبها دموع
في بيت مبني من شَعر=أهديت لك حبي شِعر
ما غير قلبك لي شَعر=وما غيري اختار الدموع
تدرين ما غيرك عَبَر=في الصدر واخذيها عِبر
أثبت لك حبي عَبْر : =دموع تلحقها دموع
لو غيبتك ساعة ونص=يبقى من الخفّاق نص
وأكتب من الأبيات نص =مضمونه : " فراقك دموع "
من قال لي يا هوه انس=ذا حزن جن وحزن إنس
أقلب دموع الحزن أُنس=أنسى ولا أنسى الدموع
اللي خذا أعلى علامه=ما قلت جافيني علامه
لأنه ترك فيني علامه=يكفي ترك فيني دموع
خلقنا ربي من عدم=أحدٍ عشق وأحد عدم
أبغى من العالم عدم=تجريح من ساق الدموع[/poem]