اخواني اعضاء هذا المنتدى الرائع
ويلات الحب هو عنوان لهذه المتواضعه
,
,
,
وبلاشك ان هذه الويلات لها نزفها الخاص ,,,
وبوحها اللذي يزيدها جمالا,,,
أتمنى ان تعجبكم هذه المتواضعه
[poem=font="Simplified Arabic,4,darkblue,normal,normal" bkcolor="transparent" bkimage="backgrounds/7.gif" border="ridge,4,gray" type=1 line=0 align=center use=ex num="0,black"]
أهديك من عذب القوافي والألحان = وتهديني الويلات وتزيد نارك
وتسقيني امرارك على اشكال وألوان= كني غريب ونازحٍ في ديارك
وأنا اتصبر وأتبع الصبر سلوان = مره على يمناك ومره يسارك
كله لأجل شوفتك يانور الأعيان = اكذب على روحي بطول أنتظارك
وأن قلت ابا انسى مامضى لي وماكان = تقدح بي الشعله ويقبس شرارك
وأشب لك في مهجة القلب نيران = من نار شوقي جعلها بك تبارك
كنك علي وباقي الوقت أخوان = كونت جيشك ثم كسبت انتصارك
وش حيلة اللي بالهوى صار غرقان = يترك مسار الخلق ويتبع مسارك
تقلب موازيني على كل ميزان = وكيف ماتختار اجي بأختيارك
وقفت نبض الروح شريان شريان = حتى نجومي وقفت في مدارك
ماعاد لي في وجهة الناس عنوان = شبكتني مابين يدك وسوارك
وأنته مخليني من الشوق ولهان = أدميت جرحٍ صوبته المعارك
مدري متى بشوف شمسك لي تبان = الى متى ليلك مغطي نهارك
الى متى بهديك من عذب الألحان = والى متى قل لي تبي تزيد نارك ؟؟[/poem]
بقلم : ماجد بن حباب