السلام عليكم

اقسم بالله تعبت وطفشت من هالحال بسبة زمرة الفساد الله يقلعها الرئيس يذكرني بالقذافي وشكل نهايته زيه

مايستحي على وجهة وهو يتكلم وطالع بالقناة ونتائج الفريق سيئة
بالله هذا رئيس نادي له جماهيريه كبيره ويتحدث بهذا المنطق
بدلا ان يشكر الجماهير التي صبرت سنوات عجاف وعانت الامرين ولاتزال وفيه لشعار النادي
هاهو الرئيس الفلته القائد الضرورة يخرج علينا بتصريح ويقول لاتحلمون اترك الرئاسه
عنجهيه وغطرسه وفوقيه
يجب على الجمهور النصراوي الذي لايقبل الذل على نفسه ان يقاطع مباريات النادي حتى تذهب هذه الادارة غير مأسوف عليها
او يعتذر للجماهير النصراوية عن هذا التصريح الوقح
-----------
بالعاميه
الشرهه ماهو عليه الشرهه علينا حنا جمهور النصر كل مباراه وحنا طايرين بهالملاعب من الحين مقاطعين مقاطعين الله لايعوق بشر
والا رئيس نادي يقول لجمهوره ماني مستقيل واحلموا وان زدتم زدنا عاد من زين الادارة كل موسم النصر يحقق الثلاثيه في عهده الميمون


يقول خسرت صحتي ووقتي وعائلتي واموالي وووو بسبب النآدي ولازم ارجعه لمنصات التتويج >> متأثر بمسرحية شآهد مآشفش حآجه

وش خسرت الله يقلعك كل فترة رايح لمريكا وميزانية سنوية فوق الاربعين مليون ريال وتقول خسرت !

قال ايش قال منصات ياشيخ والله ماترقاها لا انت ولا لاعبينك الفاشلين






الحل هي المقاطعه ..

وصدقوني مع مقاطعتنا راح يطلعون رجال النصر ويتكلمون ضد الإداره ويطالبونها بالإستقاله ..
أنتم قاطعوا المدرج بس وصدقوني رجال النصر راح يجبرون الإداره على الإستقاله ..
يعني مقاطعتنا مو بس ضدهم لا حتى فيه رجال ضد هالإداره ومع مقاطعتنا راح يتكلمون ضد الإداره ويبلغونهم بأن الجمهور ايضا غير راضي عليهم ويبغى رحيلهم ..