بسم الله الرحمن الرحيم
يسعد مساكم من الأعماق جميعا
أرجوا تمرير هذا النص
صلوا على النبي !!
[poem=font="simplified Arabic,4,black,bold,normal" Bkcolor="transparent" Bkimage="backgrounds/27.gif" Border="ridge,6,orange" Type=2 Line=0 Align=center Use=sp Num="0,black"]
وشلـون اببـدى بوصفك شلون ابلقاك = لا جيــت ابكتـب يستحـي كـل مكتــوب
صمت الكلام يذوب في سكّر شفاك = لامـن نطقــت الحــرف من زينـك يــذوب
جمرة شفاتك صابت القلب بأرباك = لا مـن لمحتـك يصبـح القلـب مشطــوب
خلقــك ربّــك كملّـك زيــن محــلاك = لامـن مشيت بمشيتـك تحــرق قلـــوب
الشعـر الأسود فوق الأكتاف يتـلاك = بطول الجدايل كنّك بصوب وهي صوب
وحجاجك مقوّس لاهذا ولا ذاااااااك= اســود سـواد الليـل بالوصـف محبـوب
ســود العيــون بلمعهــا نجم الأفلاك = خنسٍ تبارق وسطها الكحل مصبـوب
والخشمِ سيف بسلّتـه ترهب اعداك = والشمس والله بكبرها تعلن غـروب
والخـد مثـل الـورد سبحان سـواك = ريح الخزامي بوجنتك عود مشبـوب
والخصرِ ناحـل يشبه لعود الاراك = لامـن تمايـل يجزع الطيـر مرعــوب
والسـاقِ لامـن انثـنى الكل حيّاك = لامن ثنيته يختفـي العشـب ويتــوب
مأقدر اوصّف ياحبيبـي مزاياك = تعبت احاول واصبح الحرف مقلـوب
مدري بديت من اولك اومن اقصاك = تـاه الفكــر في بحركـم مـدّه يجـوب
وش هو بقى لا مابقى غير لقياك = اخاف انا اخطي واكسب بوصفك ذنوب[/poem]
وسلامتكم ,,,
مع فائق الاحترام والتقدير لمن مر هنا