[poem=font="Simplified Arabic,6,darkblue,bold,italic" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
حاولت اترجم نبض قلبي بقرطاس=لقيت قلبي با الضلوع محبوسي
رجعت قلت لحامل الطرس لا باس=لو تنتظر حتى تزين النفوسي
يبدوا لي ان الوضع لا زال منحاس=رغم ابتسامي صار يقرأ عبوسي
تضاربت سود التفاكير با الراس=وانصب في ظلم العذارى هجوسي
من اولن ما هزني طيف هوجاس=ولايذكر الغربال غطى شموسي
مهما جذبني للمها عطر الانفاس=او طرفها اللي با الرموش محروسي
او عينها اللي كنها عين قرناس=ما قد خضعت ولا ذكر لان قوسي
تظلم وتطلبني على الخشم تنباس=لو بست قلب الخشم ماني ببوسي
الحب لاجا زيف با الرجل ينداس=يصبح رحيقه مثل دم الضروسي
الحب ما له عند الاحباب مقياس=شعور الهي ماهو فكرة مجوسي
ما اوافق اللي قال يبنى على ساس=متعلمه ساقط بكل الدروسي
بدايته رقة احاسيس واوناس=ونهايته بين الضلوع معفوسي
كلن بكى ليلاه والناس اجناس=ناس بنعيم وناس توه تحوسي
من يفقد الاحساس ما يهدي احساس=والحب ما يشرى بكثر الفلوسي
يضيع مقدار الذهب عند الالماس=وتموت صرخات الغلى باالعروسي[/poem]