قصيدة / البنيه التحتيه

[خالد السلطان]

[align=center]
البنية التحتيه[/align]



[poem=font="Arial,5,black,bold,normal" bkcolor="transparent" bkimage="" border="double,4,black" type=0 line=1 align=center use=sp num="0,black"]




ياصغار الساحه الدرموحه الممليه=كل مقرود ً يعرف يغني القيفااني
لابدالك مصلحه قابلت مصلحجيه=ماش معروف ً تشووفه من ورى الرعياااني
الصغار اللي مصالحهم تكعس النيه=يحسبون ان كل شاعر يصغي الاذاني
مايجرك واحد ً منهم على بريّه= ولايقدملك سمين ولايزبن جاني
لازم انك تختلط معهم على الصينيه=كرم الله الصيانا عن صيانا ...
جلسة ً فيها الرخوم ليا لفاها رعيه=قلطت لك قهوة ً من مارد ً نصرااني
قهوة منها الرجال تلحس الزوليه=ماتفرقها من المعزا وتالي الضاني
يحسبون ان المراجل جلسة ً ورديه =نعنبوها من مراجل كان فيه مهاني
كل ً مجلع لساانه يشتكي لـ اوخيه =راحت فلانه عساها اليوم ماتنسااني
دمعته تمشي على خده يبا الحنيّه =بارد ً عزمه ويبغا يشهر الشيخاني
لابغيت تعرف واحد لاتشوف الهيّه=اعرفه من هرجته لاحمر ولا اسمراني
ياهجوسي دامني في ساحة ً منسيّه=شاهر ً بسمي قبل يشهرني السكراني
مشتهر من قبل اجي يالبنيه التحتيه=واحمد الله حافظا ً سلمي بعد جداني
نزل عقالك ياشعري وافهق الطاقيه=الشداد شدادي الا والزمن ميداني
انسج ابياتك ذهب من هذي وهذيه=لايهمك لافلان ولاعلوم فلاني
الرحاه تدور والشرهه ماهيب شويّه=والمنافق يلعنه ربي مع الشيطاني
كان مااسرجت الاصايل فالزمان وغيه=ماني ....... ولاني من نسل ...........
المهار مهاري وراعي فرس وعبيّه=والعنان بقضبتيني والحصان حصاني
مالك ً خزنه وعندي حزنة ً ممليّه=وافتل اشنابي على القاصي يطيح الداني
مستعد اكتب قصيدي كلبوه الفيه=ماتعبت ولا بعد شمرت عن ذرعااني
كيف لو اشمر الذرعان يالعبريه=واختلي باللي عصى من شرد القيفاني
المشاعر في ضلوعي ياقصيدي حيّه=ماعليك الا تترجم وش يقول لسااني
واحد ً ماهمه الا شرهتين وكيّه=شرهتين من الرجال وكية الخلااااني
حافظا وجهي وماء وجهي عن التبعيّه=لاسلوم اجداد ابوي ولاسلوم اخواني[/poem]

[احمدالعارضي]

خالد السلطان
صح لسانك
قصيده جزله من شاعر جزل
بس فيه بعض البيوت سقطت منها كلمات ومكانها نقط
على العموم ابدعت وامتعت ولله درك من شاعر متمكن
تحياتي وتقديري لك

[خالد السلطان]

الأخ العزيز / احمد العارضي

مشكور طال عمرك على المرور

وبالنسبه للبيوت التي سقطت

فأنني متعمد بإسقاطها


وعلى مايقولون المعنى في بطن الشاعر

[احمد مناحي]

خالد السلطان

هلا بك وغلا

صح لسانك الى رضاك

قصيده رائعه جمعت بين الاعتزاز بالمقدره الشعريه

والاعتزاز بالنفس .....

ولم تخلو من توجيه بعض الرسائل بالتلميح الاقرب الى

التصريح ...

القصيده في مجملها رائعه ..

كتبت فابدعت الله لايضرك

تقبل مروري

[محمد بن ضاوي]

خالد السلطان ,,,


وراك معصب ياخالد هههههههه




قصيده جميله بتركيبها وقوتها ولكن اخالفك الراي في اهدافها


لان نفوس الرجال اكبر من هذي الاهتمامات


صح لسانك ياخالد ولا هنت

[خالد السلطان]

ابو مناحي

يكفيني حضورك طالع عمرك

الله لايهينك

[خالد السلطان]

محمد بن ضاوي

تشرفت بمرورك لواحتي

الله لايحرمنا طلّتك

وبالنسبه للتعصيبه هي جايه كذا هههههه

واصابعك مهيب سواء

وانا يمكن شفت في هالساحه شي ماشفتوه

وشفت انواع المصالع الغير مرغوب فيها

سررت بمرورك

[أبوعبدالرحمن]

رسالة قوية وصادقة

صح قلبك وكلك


وسلمت اناملك


قلت وصدقت ووصفت وابدعت


تحيتي لك

[خالد السلطان]

أبوعبدالرحمن

الله لايهينك طال عمرك

يكفيني مرورك لواحتي

دمت لنا