[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حبل الغياب أرجوك أرخه ولا تشد=يللي خذيت بوسط قلبـي محلّـى
أرفق على شخصن من البعد منهد=على فـؤادة هـم بعـدك تولّـى
جالس يفكر بك يمينه على الخـد=كل مالفى له زول رحـب وهـلّا
يحسبه زولك وأنت ماجيت له لـد=زولـك يعرفـه بالفرايـد تحلّـى
ولا راح يومه حط رجواه فالغـد=عل وعسى باكر تجي لـه لعـلّا
دايم على باب الولي رافـع اليـد=يدعي بشوفك كل مامسى وصلـى
للحين يعني ماكوا قلبـك الصـد؟=ولا نويـت بجـد عنـي تخلّـى
لا ماعرفت لمزح قلبك من الجـد=أول يبـي حبـي وذالحيـن مـلّا
وأنا أتصالاتي كثر أغلـط وعـد=وتشوف رقمي بس نااوي تسلـى
وحدة من الثنتين يوم انت ماتـرد=ينك تبـي فرقـاي ينـك تغلـى
كانك تبي فرقاي بأغيـب وأصـد=وكانك تغلى فأنت قـدرك معلّـى
لن التغلي والزعـل نكهـة الـود=لامن زعـل منـك حبيبـك وولّا
ترضيـه لكـن للتغلـي يتعـمـد=يـدري بقـدره بالمحبـه تعلّـى
بس لا تمدى للتغلـي تـرى حـد=قال المثـل: أللـي تغلـى يخلـى [/poem]
رد مع اقتباس
