أشكر الأخ سعد الحويماني على دعوته لي ...
وأسعد اللحظات هي مصافحتي لكم في غرابيل
[poem=font="Simplified Arabic,6,darkred,bold,italic" bkcolor="transparent" bkimage="http://www.sfsaleh.com/vb/images/toolbox/backgrounds/49.gif" border="none,4," type=2 line=0 align=center use=ex num="0,black"]
تدري وش الي يتعب الجيش والخيل =لا صار فالميدان لـ مطير فراس
وتدري وش الي يعجبك فالمعاميـل = البن ّ الأشقر لأنحمس وسط محماس
وتدري وش الي يجعلك تسهر الليـل = إنّك تشوف الناس تضحك على الناس
وتدري وش الي يرفع الضغط بالحيل = إنّك تحب إنسان معدوم الإحساس
يالي تقول إن المحبّه غرابيل = ترى المحبّه للمحبين نبراس
أعلى وأجل وفوق كل التفاصيـل = صعب يتترجم بين حبر ٍ وقرطاس
يالي مذوقني العنا والبهاذيل = ماترحم الي لك مشاعره مجلاس ؟
يا بو رموشٍ عكش ما تقبل الميـل = يا ليل من دونك ثمانين حرّاس
لو الهوى كذبه ، فكم فيه إبريـل = ولو السهر مجبور .. كم فيه هوجاس
يا صاحبي والقلب ماعاد به حيـل = حتى رصيدي قارب لحد الإفلاس
أتعبتني وأنا معك وافي الكيـل = غربلتني من رأس فكري ليا الساس
شفتك فرح .. كل الليال المقآبيـل = شفتك مَثل كل الآلي والألماس
جيتك وقمت أجرّ عذب المواويـل = وحاولت أفسر صدتك ذي على أساس :
إنّك ليا الحين حول المداهيـل !! = وإنّك صغير وكل عرفك بمقياس
لين إنطبق حولك مثل من زمن قيل = ترا البحر ما يدخله كل غطاس
إلا أنا بسألك يا نابغ الجيـل = تعرف تفرق بين صادق وهلاس ..؟
أنت بزمن ما يرحم أقوى الحلاحيل = من دون مال أقسم قسم غير تنداس
تدري وش أكبر ويل يارآعي الويل = لا حذروك ووقع الفاس بالراس
وتدري وش الي ما به أدنى محاصيل = هرج القفى هرج النميمة والإنكاس
وتدري وش الي يرفع الضغط بالحيل = إنّك تحب إنسان معدوم الإحساس[/poem]