[align=center]اهلا بيكم اصدقائى واخواتى هقدم النهارده عمل فنى جميل قوى وجديد وان شاء الله يعجبكم
ده كارت حلولعيد الميلاد او لاى مناسبه وفكرته جديده اول حاجه هنجيب كارتونه صفرا او اى لون يعجبكم ونرسم فيها دايره
ونجيب ورقه بيضا ونرسم دايره قدها بالضبط
ونرسم عليه الشكل ده ونكتب عيد ميلاد سعيد
وبعدين نجيب الكارتونه البيضا اللى رسمانا عليها الدايره ونرسم عليها صوره لتورته مثلا ونلونها كده ونقصها
وبعدين نتنيها نصين
والنص نتنيه ربع كده
والربع نتنيه كمان تنيه
وبعدين نيجى بالمقص ونقص جزء بس مش للاخر زى الصوره كده
ونقص برضه بس فى الاتجاه المعاكس ومننساش مش للاخر
ولغاية ما يخلص المثلث ده بنفس الطريقه نفضل نقص واحده من اتجاه واللى وراها من الاتجاه المعاكس ودى صوره مقربه وياترى بتفكرنا بأيه الحركه دى طبعا زواق الفصل اللى كنا بنعمله واحنا صغيرين
وبعد كده نفتح الدايره اللى عمالين نقصقص فيها هتطلع بصوا
ونقلب الشكل كده
وبعدين نثقبها من النص ويكون تحتها قطعه صلصال او اى حاجه طريه علشان الثقب ميتفتحش قوى
وبعدين فى الثقب ده بنركب خيط وتكون العقده من ورا ويكون طوله متوسط كده
وفى النهايه بنشد الخيط بالراحه فتظهر الكتابه من ورا اللى كنا كتبناها ولما نسيب الخيط فيبقى قدمنا الصوره ودى فكره حلوه وجديده لما نعوز نكتب فى كارت ويكون ورا الصوره
يارب تكون الفكره عجبتكم واكون وفقت فى الاختيار
اختكم
محبة الفن[/align]