وش رأيك ؟؟
إذا لقيت واحد كاتب موضوع .. وفي نهاية الموضوع لقيته يطلب رأيك ؟
فأعرف ان رايك اللي انت تكتبه.. هو عبارة عن تعريف مصغر لك انت .
لانك اذا اصدرت حكم على موضوع معين ..فأنت تتكلم عن قناعات ومعتقدات وبيئه ومناح تعيش انت فيه .. وبكذا توضح للناس من أي نوع من البشر أنت .
ومعروف ان الناس بحكم اختلاف فهمهم وعقلياتهم ومداركهم واتجاهاتهم وقيمهم من الطبيعي انه تختلف ارائهم .
لكن وش هي القِيم ؟؟؟
يقولون (( قيمك هي قرارك )).
وببساطه نقدر نقول ان القيم هي ((قناعات)) يلتزم بها أصحابها، ويعتقدون بمضامينها ، وعشان كذا هي اللي تحدد الشيء المقبول من الشيء المرفوض، يعني هي اللي تحدد الخطوط الحمراء عند الشخص .. واللي نقول عنه ((عيب )).. واللي(( مو عيب)) انا نسويه .
ومن منظور علمي القيم تتميز بالثبات النسبي .. من الصعب جداً انها تتغير .ويقسمونها لستة اقسام :-
1- قيم دينيه:- جميع مايعتقده الانسان اعتقاداً يؤثر في سلوكه فعلياً.
2- قيم جماليه :- وانا اشوف ان الجمال هو تناغم في كل شيء .. والناس تختلف في تعريفها للجمال .
3- قيم سياسة :- وغالباً ماتكون هي ((بحث عن سلطة)) .. أو مركز او من هالسوالف .
4- قيم إجتماعيه :- استعداد للتضحيه ..أو خروج عن العادات .. أو تفاعل مع الناس او نفور منهم .
5- قيم اقتصادية :- مثل البحث عن منفعة ماديه ((فلوس مثلا) او غير مادية المهم ان لها مقدار بمقدار نفعها
6- قيم نظريه :- البحث عن العلم والمعرفة ومحاولة إجابة التساؤلات بطرق علميه .
وفي الانسان خليط من القيم السته .. يطغى بعضها على بعض .. واذا اتخذ قرار او ابدا رأيه في موضوع ..تظهر القيم المسيطره عليه ..هل هي سياسيه ((انه يحب يسيطر )) او قيم اقتصداديه (( لازم يكسب شي ..حتى لو شي تافه في نظر الآحرين )) أو القيم الاجتماعيه (( سواء تفاعل جيد مع رتم الحياة ..أو إنحلال اخلاقي )).. المهم ان القيمه الأكثر وجواً داخل الانسان هي اللي تبرز أكثر ..
ااول شي احنا راح نستفيد من اجوبتنا في المواضيع السابقه ..حتى نتعرف على انفسنا أول شيء.. ثم نعرف كيف نوازن بين قيمنا مستقبلاً ..لان التوازن مطلوب في كل شيء ..
وشكراً للجميع ..
اخوكم الصغير
مغربل