صباح مساء الخير لكل اعضاء غرابيل
اترك هذه القصيده تحكي عن مناسبتها
[poem=font="simplified Arabic,6,black,normal,normal" Bkcolor="white" Bkimage="" Border="outset,1,gray" Type=2 Line=0 Align=center Use=ex Num="0,black"]
في الشعر لي منهلٍ قطيت قرطوعه= ما بل كبدي ولا ريح هناديبي
يهيم له هاجس الابداع من جوعه= مدري ظماء مير مبغاء الناس تدريبي
الا بحزت صليب الراي وسنوعه= ابغاء ليا قيل هاه اشقلت يالذيبي
افرع بها فزعة الشواش لربوعه= واخاف من سجة الهاجوس تبطيبي
ترا خواطر بيوت الشعر مسبوعه= كالمرجله تحضر الرجال وتغيبي
قريت في صفحةٍ في صرح مطبوعه= كبر المشاريه للعقال تأديبي
وسترسل النص والداعي لموضوعه= فخرٍ بهج مهجتي من عقب تعصيبي
قبل امس كبدي تزوم المر وتزوعه= واليوم كسب الوفاء طفاء لواهيبي
بفعول من ورّدوا شعري لينبوعه= بين المعاليق والهدف المحاديبي
هل نخوة للوفاء بالعهد مرموعه= من ماضي الوقت ما تحتاج تجريبي
يوم السجين انتها بالمال ودفوعه= ومواقفٍ بين ترغيبٍ وترهيبي
جت نصف مليون فاول سبق وطلوعه= للاد مفلح توصلها المناديبي
واللي له البيض مثنيه ومربوعه= زودٍ على شيخته يمتاز بالطيبي
الشيخ راجح صبي الجود وجموعه= الاد صامل مكملت المواجيبي
امجادهم فوق هام السحب مرفوعه= يا بعدها عن مدار الشك والريبي
تميّزوا في المقام الصعب من نوعه= زادو على غيرهم لجل انه صعيبي
سنوا لهم سنةٍ حسنه ومشروعه= بذل المكارم وجزلات المواهيبي
مداتهم تزجر الحساد وتروعه= زجرة زعيم الوطن لمعمر اليبي
في ظرف ساعات والاموال مدفوعه= والبيض تنشر لهم فاعلى المراقيبي
وبصرح الاعلام مقريه ومسموعه= ما بين بث الفضائي والحواسيبي
اهل الكرم في دهور الوقت ورجوعه= وحماية الدار وركون المحاريبي
لا جات الافواج مجموعه ومجموعه= يبغون الافراس والاّ شمّخ النيبي
اللي من الخيل والبارود مشيوعه= لحق الطلب فوق عجلات المطاليبي
اسبق من الصوت للصياح وفزوعه= واشد من حد صلفات المضاريبي
كم فارسٍٍ جاه من صولاتهم روعه= عقب الدجر طاح من ظمن المصاويبي
والاّ جثت جثّته في الحزم مصروعه= حامت على هامته عكف المخاليبي
بمصقلاتٍ من الفولاذ مصنوعه= وحمر العباريد وخشوم المساليبي
واعداد وبلٍ يعم الارض برجوعه= صلوا صلاةٍ لها في النفس تهذيبي
على الذي سنته في الدين متبوعه= من كلفه بالنبوه عالم الغيبي[/poem]
تحياتي