.
.

سعووووووووووووووووووووووو ووووود

وش ذا الحكي ..!!!!

ما شفت موقوفن مافيه تفصيخ اهدوم ..!!!!

كان دورت واحدن مثل حقون الرهيبه .. طراق ويكفي ..!!!

بس عاد خل سنك كبير شوي .. خمس سنوات أحس إنك ما تقطب في ذاك الوقت ،،،

أما أنا فحصلي لي موقفن وأنا في الخامست وخمست أشهر وخمست أيام ،، وهوه : كنت جالسن على خزان الديرة وديرتنا تبعد عن الوديعة 1000كيلوا أيام حرب البديعه وكان فيه واحدن من الجماعه
يقال له بو عون ( إسم الشهر ) مشارك في الحرب ،،

وفي ذاك اليوم شفت رجال من جيش السعودية بين الخيام معه قدر .. عاد الصحيح مادري وشهو لكني متاكد إنه يافول ياعدس .. والرجال اللي شايله ما أقطبته لأنه بعيد شوي 1000كم ماهي بسيطه أحقق منه .. المهم وهو يمشي متجه لمجلس خوياه إلا الطياره الحربيه العدوه مهاجمة السريه .. يبي الرجال البندق ماعاد أمداه .. ويلتفت مافيه حيله .. وهو يلوح بقدر العدس مادري الفول ... لعلي الله شاهد إن الطعام متكوبع الطياره ليهي طشيش !!!! ما حديدتن مع حديده ... قلت حجة وانا بو عمر ... أكيد إن هذا بو عون ممثل الجماعه في الحرب ..!!

المهم قعدت أتحرى ,, وأتلفى متى يجي بو عون متى يجي بو عون .. وجلست مثل اللي فاقد فقيده ودي أعرف منهو هالشخموم اللي طرح الطياره بالطعام ... ويوم نادى ربي بالفرج ليبو عون يجي ومعه ذيك العطيه الجيده .. وأنا انطحه وأسأله على طول .. تكفى يابوعون أربك اللي طرح الطيارة بقدر الطعام ..

فرفع احجاجه .. وقال ابوك انت وش دراك ياورع قلت شفتك هو انت ولا لا .. قال ايوالله انه أنا وقلت وش هالطعام اللي فجر الطياره .. قال عدس .. قلت أنا اخو بوي .. عدس ؟ قال عدس .. ومن ذاك اليوم الى اليوم .. ما اكل العدس الا وانا في البر الحالي خوف يفجرني وانا عند العرب اتسبب عليهم ..

هذي اعلومي وسلامتكو .. يالربع ...