شباب .........صبايا
ترى الموضوع حقيقي وقصه واقعيه ومهيب من راسي ولا راسي ماش راس يجمع هالكلام وبتصدقون ولا بسلامتكم, عاد احرق نفسي على ايه......... على ايه ياللي ..........ياللي جمالك كله كلام ....وسباني سباني سباني وعيوني عيوني عيوي..... على ايه على ايه ياللي ياللي
يقولون فيه مغازلجي سربوت..(تكرمون)..........
هذا المغازلجي خبيث قاعد يلعب على بنيات خلق الله وكل ما كلم وحده يصكها بحديث ان قصده شريف
ومهوب يرقد الليل جعله السهاد ؟ على باله مجنون ليلى . ويبي يكمل دينه ايه هين كثر منها........
البنيات مساكين يصدقونه خاصه بعد الحديث . حط ثلاثه خطوط حمر تحت الحديث ما دهور البني الا الحديث.
نبدا بالحاله الاولى:
طلع من بيتهم العصر كاشخ يلق كنه رايح يخطب ..جعله المغص اللي يخليه يزحف على وجهه.......
قعد يمتر السوق يدور على الصيده , حصل وحده وماصدق وراها في السوق من محل الى محل الين البنيه
طلعة من السوق وعلى محطة القطار بتسافر للشرقيه وهو وراها ...وشتخيلون يسوي المنصدع
ركبت القطار.. طبعا معها ابوها واهلها ويطمر معهم في القطار وعلى الشرقيه نعنبوه ياهو خبل ....وعشان ما نظلم الرجال مانزل الا وهومتعرف على العائله والرقم بجيبه.............(حسبي الله عليه)
الحاله الثانيه:
مره من المرات لحق وحده بالسوق على باله الدعوه سهله المهم مصخها مع البنت والبنت صراحه مهيب بسيطه وهي تنزل تحت وتأخذ الكعب وعلى جبهته اللي كنها مطار ذبان ويلقط قطع وجهه من تحت رجليه وكن ما صار شي... (يستاهل) ياليت كل البني تسذا.
الحالة الثالثه:
اغلب البنات اللي بالمدرسه اللي قريبه من بيتهم يعرفونهم من كثر ما يترزز قدام المدرسه وفي مطارد الباصات.........ويقول انه اذا مر من عند المدرسه البنات مع الدرايش فلان فلان بغيت اجيب العيد واقول اسمه جعله السم......... (منتهي) .
الحاله الثالثه:
ثلاث مرات يبدل الثوب في اليوم والثوب من النوع المخصر منيب قايل لكم اسود وابيض يعني من سنة كح واحمد الله . وساكن وراى مغسلة الملابس وما عنده الاثوبين واحد لابسه واحد في المغسله ...والله المطيور.
الحاله الرابعه:
طبعا والله انه شيفه راسه كنه ليفه بعد الليفه انعم من عراته...وحاط ضرس ذهب يتميلح به وجهه كنه مضرب تنس طاوله يعني افنس بس اللي قاهرني انه مسبه بالبني بسبب احاديثه (الفاجر).
الحاله الخامسه:
عنده ابو ماله داعي ابد ...ابوه يستانس اللين اتصلت بنت وولده بعيد عن التلفون يرد ويبدا ينقنق مع البنات
ومسوي نفسه ابو الولد الوسيم مطيح البنات من زينه صحيح اللي اختشو ماتوعلى راي المصاريه.
تحياتي
WaladAlBanah