[align=center]هذه المصافحة الأولى التي أتمنى أن ترتقي . . لقلوبكم
كل الشكر للأخ العزيز الشاعر / أبو عبد الرحمن سعد العتيبي[/align]
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
أ تـ صـ بـ ب و ر ق
يمّه وش ذنب الكـــلام يموت في صـــدري وأنا=شـــاعـــر ٍ توســــد أقـــلامــه ودّثــــره الورق
يمّه حنـّت لي أمــومة غــربتي وجــيت الضــــنا=آه يا أحضان المكان ألطف من أحلامي وأرق
يمّه لـــو مرّت ملامح صــــورتي شيب وعــــنا=صدّقي ! مادام صبري خان وقفات العـرق
يمّه ويــش الشـــوق إلا أن قـــلــبي لـــــو دنـــا=من مليل الجمر فاح العود والجمر أحـــترق
يمّه ليه النـــاي من عـــزف الحـــــزن مــلّ الغــنا=والجـفــن يـتـنفـس ألحـــانه ويغـنـّي لــلأرق
كـــثــر مـا غــنّــيت في ثـقـــل الضحى الله لــنــا=يا صـــداي اللي تجرع بحــّـــتي ضــيق وشرق
يالضياع اللي مواعــــيده على دروب الفـــــــنا=يالسراب اللي ما بين الشوف والذكرى مرق
غير لضـــلوعي زعـــيم الهــمّ مـا يـــوم انحــــنا=يطــلب يــديــن السـويـدا يوم بارقــها بــرق
كم هدم فيني طموح وكم من الأشـــــــيا بنى=لين خـلّى لساني يتمتم وســمعي ما استرق
يالمكــــــان اللي تحـــاصـــرني عـــيونه خــــــلـنا=كلنا أشـباهي ولا غــيري عن أشباهي فرق
ما بقى إلا ذكـــريــــات طـفــــولتي من حـلمـنا=وش سرق منها الشباب العنجهي وش ماسرق
كنت ألبس ثوبي الشــتوي وقيظي ما انـــثـــــنا=وكنت أسدّ صياح جوعي بريح قرصك والمرق
وكنت أحذف بعير أبوي الأملح اللي ما جـنى=ذنب غــير أن الملل في كـم ّ الأوقـــات ادرق
مــع مـنى أروح لـغــــيـابي وأعــوّد مــــع مـــنى=كان حتى الصمت لا مّل الحكي مـنـّا قـــرق
كنت أقــول ألغــــاز حتى حلنــا وهو حـــلـــــنا=ما يـحله والعــــناد اللي طــرق راسي طــرق
كنت أتشــقــــق فرح لا من كســوني بالثــــنــــا=لا ضربت اللي كســر قــانون ربعي وأخترق
يمّه أذكــــرني هنا . . وصــرت ما أذكـــرني هنا=أبحـــر النسيان في صـــدري ومات من الغرق
يمّه لا ضـــــــاع الحنـــين بـدمّــنا وش عــذرنـــا=أنحــــرق وألا مـــع الغــــفــلة نســـينا وانسرق
يمّه وش ذنبي أمـــوت وباقي بصــدري أنـــــا=ألهث أقـــلامي وأتصـــبب من الغــــربة ورق[/poem]
[align=center]ياسر بن عبد الله المطيري[/align]
رد مع اقتباس
[/align]
[/align]
المشاركة الأصلية كتبت بواسطة ياسر المطيري
