اخواني واخواتي
وجدت العديد من قصائدكم وكان بودي ان اقراها وارد عليها ولكن يعلم الله ان الوقت لم يسعفني ولكن اعدكم ان اشارككم قصائدكم جميعا ووعد الحر دين عليه
كـلـّي ولـــع ..
وكـلـّـك دلـع ..
ويـنك عن عيوني اختفيت ..
والا من العشق اكتفيت ..
وانا من اللهفه بكيت ..
ومن نار شوقك اكتويت ..
ولا احد ٍِ سمع ..
كلمة احبك غير انا ..
مره أذوق منها الهنا ..
ومرات تذبحني عنا ..
والموت بخيوله دنا .. منـّي انا
حبـّـك طـلـع ..
نار ٍِ ودخان ولهب ..
وقلبي حطب ..
عشقك لعب .. قصّـه وبطولاته كذب
كلـّـن شبع .. ماغير انا
محروم لـحـظـه من حنان
وعذابي من وجهي يـبان
ردّي علي ..
قولي وش اللي راح يصير ..
هذا مصير ..
انسان سلـّـمك الفؤاد ..
وبنظـرة عـيونك يقاد ..
جازيه لو مرّه بعطا
وقولي حبيبي بالخطأ
ابيها لوهي بالخطأ